ket imminumda iti nalmas ken nalitnaw á danum ti carayan ket napapigsa dagiti nabanbaunogan nga espirituda. Nañgronapay, ti agsungbangir ga igid ti carayan nabuñgonda ti napintas á caycayo á cancanayon nga narucbos ken nalañgto ken aduanda iti buñga á nadumaduma cakita, ket dagiti bulbuloñgda mabalin met á cauen á pangatipa cadagiti sacsakit ken di pannacarunaw ti canen ken daddumapay á babantut ti bagí dagiti agpagpagna. Cadagiti denna ti dalan adda met maysa á nalasbang á pagaraban uga napapintas
cadagiti lirio ket cancanayon á napanayag gapu iti lasbang ti bulbuloñg. Idiay nagiddada ket nacaturogda ta awau ti pagbutnganda á peggad. Salm. 23; Isaias 14: 30. Idi nacarlingda nagpurosda ti bungbunga dagiti caycayo,
imminumda iti danum daydi carayan, ket naturogda manen; ket calpasan ti sumagmamano nga aldaw ken rabii ti castoy á panagblagda, intayagda ti timecda á kinunada, Oh, nagsayaat ketdin ti panagayus dagitoy nalitnaw á danum á mangliwliwa ken mamaragsac cadagiti agpagpagna á lumasat ditoy á dalan! Dagiti nalasbang á pagaraban itedda ti ayamoom ti
bangloda nga isudat' macaliñgliñgay cadacuada; ket ti macaraman cadagitoy naimas á buñgbuñga ken dagiti caycayo, ilaconanto ti amin â sanichana tapno igatangna ditoy á dagá.
Ket idin á nacasaganada ñga agtuloy iti vlaje, ta saanda pay met laeñg ñgarud á nagtengan ti pagtuñgpalanna, nañganda ken imminumda ket sada Intuloy manen ti nagua. Ngem idi á dida pay la unay nacaadayo, ti dalau ken ti carayan agsinadan, ket lineddaangda unay ngem saanda ket á nagtured nga simmiasi. Idin á maisina iti carayan, ti dalan narigaten, ket dagiti sacsacada mapakil ken madonor gapu iti pannaguada; gaput' itoy dagiti agpagpagua nangrugida á napacapuyan, Numeros 21: 4; ket tinarigagayanda á mapasayaat ti dalanenda.
Iti macatigid iti masañgoanan bassit daydi lugar á yanda, adda maysa á tanap ket idiay pagsercan iti unegña adda masayaat nga tuctucad á tabla, ket managan daydi ti Tanap ti Dalan á pacayaw-awanan. Idi á dimteñgda idiay, kinuna ni Cristiano idi cacuyogna: No daytoy á tanap agtuloy iti denna ti dalan, mabalinta ti sumrec ken 'lumasat kencana ket nasayaat ti panagtuloyta á magna. Immasideg garud cadagiti tucad á pagñaan nga sercan, ket naimatañganna iti bal-lasiw ti alad ti maysa á daga á casla tumurong iti turong met laeng ti dalan. Daytoy ti tinarigagayac, kinunana ken Namnama; umayca, naimbag á gayyemco, ta nasaysayaat daytoy á pagnaanta."
NAMNAMA: Ñgem amañgan no daytoy á daná yaw-awannata.
CRISTIANO: Awan ti kitaua á casta; dica aya makita ñga tumuroñg iti denna met laeng ti dalan?
Ni Namnama namati ket simmurot kencuana, á binaybay anda ti cangronaan á dalan; linactawda dagiti tucad á tinabla, ket sinurotda ti dana á casla uapalanas ti panagkitada ken nalaca á pagnaan. Idi á kimmitada iti masangoanan nasaripatpatanda ti maysa á tao á magmagna iti daydi met laeng á dalan á ti á dalan á ti naganna Napaay-á-namnama, ket dinamagda kencana no sadino ti pagtungpalan daydiay á dalan. Isu simmuñgbat ket kinunana nga agtungpal iti ruangan á nailangitan; iti casta ni Cristiano kinunana ken Namnama, Kitaem man, saan nga agpayso daytay cunac kenca? Ita maimatangam á nasayaat ti inaramidta.
Ituloyda garud á ñagñaan daydi dana á sursuroten daydi tao Iti masañgoananda; ngem idi á rimmabii ket nacamacam ida ti sipñget saandan á na-
