santoan á Surat wenno iti panunot, (ket cas pagaammioyon addada cadatayo dagitoy nga agpadpada) saanua ñga mabigbig no ania ti wayawayana, ket dina met biruken ti paglaiñganna.
DAKES-A-TARIGAGAY: Cacabsatco, datayo agpagpagnatay amin, ket ta tapno mayadayotayo iti dakes ipalubosyo ñga idatagco daytoy á saludsud: No caspagarigan ta maysa á ministro ti evangelio, wenno maysa nga agtag-tagilaco agparang kencuana ti maysa á gundaway á mangtagicua cadagiti nasayaat á bánag nga naidagáan, ngem saanna ida á magun-odan no di ag- parañg á cas naregregta cadagiti dadduma á paset ti religion isu á dina idi binibiangan; saanna aya á mabalin nga aramaten daytoy á pamuspusan wenno pamay-an á pañggunod cadagita á nasayaat á bánag, ket nupay casta isu tao pay laeng á madaydayaw?
AVAT ITI PIRAC: Maawatac á nalaiñg ti cababagas ti saludsud, ket palubosandac coma á mañgsuñg bat, á ti umuna nga ipalawagco isut maipapan iti ministro ti religion. Caspagarigan ta ti maysa á tao awan ti adu á sanicuana, ket agparañg kencuana ti maysa á wayawaya wenno pannacábalin á manggun-od iti nasaysayaat wenno adadu á. kinabacnañg no la ket regregtaannat' bassit ti agadal, wenno mangascasaba á naregregta, wenno baliwanna-dagiti dadduma uga ug-ugalina, siac awan maimatañgac á pagdacsan daytoy ket dimet madadael ti kinatacneñg wenno dayawna dayta á tao. Ania ti gapuna?
Umuna, ta ti tarigagayna á mañggun-od iti nasaysayaat á casasaad isut' nalinteg, ket awan ti pacasupiatanna, ta ti Dios isu met laeng ti nangiparañg iti sañgoananna; isut' gapuna nga mabalinna nga aramiden wenno awaten no la ket gun-odenna tiga awan panagduadua ti concienciana.
Maicadua, ta ti tarigagayna á mañggun-od iti dayta á pagimbagan, isumet ti mañgpagaget kencuana nga agadal ken mañgparegta kencuana á mangasaba isu á mamaimbag kencuana, ket daytoy isut' mayalubog iti pagayatan ti Dios.
Maicatlo, ta ti pannakitimpuyogna cadagiti camcament á gapu iti panagservi cadacuada ket bay bay-anna ti dadduma cadagiti capanunotanna, isu ad-adda á gustoenda, ket gaput' itoy nasaysayaat ti trabajona iti pannacaica-saba ti Sao ti Dios.
Maicapat, ket panungpalec á ti ministro á baybay-anna ti narigat wenno napanglaw á panagbiagna ket mapan iti nasaysayaat á pagsapulan, saan á rebbeñg nga naganen dayta ti agum; ta gaput' itoy, isu pasayaatenna ti pagbirocanna, ken parang-ayenna ti panunotna, ket iti casta isu tungpalenna ti nacaayabanna ken awatenna ti agparañg kencuana á pagimbagan.
No maipañggep met iti maicadua á paset ti saludsud isu á maipapan iti agtagtagilaco, cas naisarita itay, no caspagarigan ta daytoy bassit wenno nacapuy tipagsapulanna, ngem no agbalin á religioso wenno sumurot iti religion ket mapasayaat ti comerciona, no bilang mangasawa iti nabacnañg á babai wenno maawisna dagiti adu nga aggatgatang á mapan iti pagtagila-coanna; cadagitoy á bánag awan ti malmatañgan á pagdacsanna. Ti gapuna nalawag.
Umuna, ta no ti maysa á tao adda esmanna á nasayaat ñga aramiden, dayta isut' maysa á kinasiñgpet nga uray ania ti pamay-an á pang-gun-odna.
Maicadua, ta isut' saan á kinakil-lo ti pannakiasawa iti maysa á nabacnañg nga babai, wenno ti panañgawis cadagiti ad-adu ken nasaysayaat nga aggatgatañg iti pagtagilacoanna.
