ñga agadal ken natarus á nabalinda met ti nañgibañgon ti bucodda ñga taton. Agpayso á dacami no dadduma maidumacami, no maipapan iti religion, cadagiti tattao á narnarget ti nakemda iti daytoy, ket dagitoy dua á bánag dagiti nacaigidiatanmi cadacuada á nauignañgrona: umuna, Dacami uray caanoman saancami á sumuñgbat á maibusor iti angin ken ti atab. Maicadua, naregregtacami iti religion no daytoy agparang á maidaydayaw ket ciyatmi unay ti makicadua no isut' agturong iti init á lumlumgac, ken maiparupa cadagiti panangidaydayaw ti ili.
Idin ni Cristiano simminat bassit á nagturoñg idi yan ni cadduana á Namnama, ket kinunana kencuana: Pagarupec á daytoy isu ti tao nga addaan Dakes-á-tarigagay á taga idiay ili á Naimbag á sasao; ket no agpayso ñga isu, adda á naicuyog cadata ti maysa á mauyoñg ñga tao.
NAMNAMA: Dainagem kencuana, no ist saan á mabain iti nagan ñga adda kencuana. Iti casta nagsubli ni Cristiano iti yan ni Dakes-á-tarigagay, ket dinamagua kencuana.
CRISTIANO: No saanac á bumiddut adda pañgipagpagarupac kenca; saan á ti naganmo Dakes-á-tarigagay, ket ti ilim idiay Naimbag á sasao?
DAKES-A-TARIGAGAY: Dayta saan ñga isu ti naganco, nupay dagiti dadduma á tattao ipanpanaganda caniac dayta á cas pangsuronda.
CRISTIANO: Agpayso ti kinunac á sica daydi nasaoda caniaç; no saoec ti capanunotac amakec á daytoy ñga nagan mainugot uuay kenca.
DAKES-A-TARIGAGAY: No casta ti panañgipapanmo, ania ti mabalinco ñga aramiden. Ngem nupay casta maimataugamto á siac naimbagac á caddua no dica paglen á cumuyogac keuca.
CRISTIANO: No sica makicuyogca cadacami, masapul á magnaca á maibusor iti añgin ken atab, ket daytoy saan á mayalubog iti panagpau panunot; rebbe igmonto á bigbigen ti religion ñga awan idaddaduniam, uray nacawesan iti rutrot á pagananay wenno naarcosan iti palloca á pirac, ket agtaliuaedcą kencuaua ñga uray addaca á marigrigat wenno agragragsac ken madaydayaw.
DAKES-A-TARIGAGAY: Dinac coma padagsenan, ket dica met inacman ti pammatic; bay-an á cumuyogac kenca, ñgem agwayawayaac coma.
CRISTIANO: Saan, saanmo á mabalin á pulos ti makicuyog no dica umanamong iti imbagac kenca.
DAKES A-TARIGAGAY: Siac diacto baybay an uray caanoman dagiti cadaanan ñga alagadec ta isudat' macaited ti pagimbagan. No madica á makicuyogac kenca, magnaacto á may maysa á cas idi dinacpay nacamacam agiñggat' macasaracac iti sabali isu á mayat nga pakicuyogac.
Iti casta isut' binaybay-aneu da Cristiano ken Namnama, ket nagtuloyda á nagua; ket idi timmaliaw iti licudan ti maysa cadacuada nakitana ñga adda sumars runo á tal-lo nga tao iti licudan ni Dakes á tarigagay, ket idi á nac asidegda daytoy nangted ti pammadayaw cadacuada, ket isuda simmungbatda met á sidadayaw. Ti nagan dagiti tal-lo á sim- maruno iti licudan. Tarigagay-á-nailuboñgan, Ayat-iti-pirac, ken Agum. Dagitoy á tal-lo amammo met laeng ni Dakes-á-tarigagay idi naminsan á tiempo ta kinadcaduana ida á nagadal iti escuela ni Apo Managpaanac. . . iti lugar nga managan Tarigagay-iti-ganancia isu nga ili á pagt gilacoan iti provincia nga Tarigagay-iti-kinabacnang iti aniaman. Daytoy á maestro ti escuela insurona ida cadagiti pamay-an á panagala ti kinabacnang á maaramat ti panangpilit, panagtacawan, panagsuitic, ulbod, wenno pagpambar ti religion; ket isuda rimmuarda á nasaet
