gayyemco á Managtungpal, agcantaca, ket ta maganmo agrayray coma, ta nupay no pinataydaca agbiagca pay laeng."
Ni Cristiano naaddaan iti Namnama; ket agsipud ta adda cadacuada nga agbadpada á salimetmetanda ti ayat ti Dios iti pusoda nabalinda ti nagsarsarita á nalaiñg cadagiti banag á masaracan iti dalan.
Idi á ni Cristiano nacatalawen idiay Feria ti Kinaubbaw, nadlawac ñga isu saan á nagwaywayas, ta maysa á tao ti timmipon kencuana ket kimmuyog á nakicuyog kencuana iti dalan. Ti nagauna daytoy isut' Namnama, ket nagun-odanna daytoy ñga imbag gapu cadagiti rigat á sinagaba da Cristiano ken ni Managtuñgpal iti Feria ken ti nasayaat á cababalin ken panagsasaoda. Gapu iti maysa á natay maipoon iti panañgpanecnecna iti kinapudno, rimmuar cadagiti dapdapona ti sabali á manguyog ken Cristiano iti panagpagpagnana ket kinuna ni Namnama ñga addapay adu á sabsabali idiay Feria á birbirukenda ti wayawaya wenno gundaway á sumurot kencuana.
Idi nabiitpay la unay á nacapanawda idiay, nacamacamda ti maysa ñga immonona ngem isuda á ti naganna Dakes-á-tarigagay, ket dinamagda kencuana no sadino ti naggapuauna á dagá, ken no sadino ti panggepna á danonen iti daydiay dalan á pagpagnaanna. Isu simmung bat ket kinunana á naggapu idiay ili nga Naimbag-á-sasao, ket isu agturong iti ciudad á nailañgitan; ngem dina imbagá no ania ti naganna.
CRISTIANO: Naggapuca idiay Naimbag-á-sasao! Adda aya masaracan idiay nga anianan á naimbag? Proverbios 26: 25.
DAKES A TARIGAGAY: Wen, sino ti agduada iti dayta?
CRISTIANO: Ibagam coma caniac, ania ti naganmo?
DAKES A TARIGAGAY: Nupay no saantay nga agaammoammo iti maysa ken may sa, no sica ken ti cacuyogmo surotenyo daytoy á dalan, yamanec nay no agcucuyogtayonto; no saan á casta, diacto met ketdi macalucsaw.
CRISTIANO: Dayta ili á Naimbag-á-sasao, madamagco nga isut' nabacnañg á lugar.
DAKES-A-TARIGAGAY: Wen, patiec nga isut' nabacuang, ket siac adda cabagiac idiay á nasanicuada.
CRISTIANO: No dica ipapan ásiac mannakibiañgac, damagec coma kenca no slasinoda dagita á tatiao á nasaritam.
DAKES-A-TARIGAGAY: Ñgauñgani isuanin ñga umilli; nañghañgrona ni Apo Di-agtalna, ni Apo Ammonat'-agb ag, ni Apo Naimbag-á-sasao á cadagiti dadackelna naala idi punganay ti nagan daytoy nga ili; ken dagiti Appo Managineunana, Dua-á-Rupa. Uray ania, ken Duat' d laua, isu á cabsat ni inac iti ana. Camaudiananna saoec ti pudno á siac maysaac á tao nga natacneng, upay daydi ama ni apoc á lacay isut' maysa laeng idi nga barquero wenno mangipalungo ti sasacayan á tumaliaw iti maysa á sikigan ket aggaud iti sabali á sikigan, ket daytoy met laeng á kita ti pagsapulan isut' nagtaudan ti caaduan dagiti sanicuac á dagdagá.
CRISTIANO: Adda asawani?
DAKES-A-TARIGAGAY:Wen adda, ket ti asawac isu á nacawesan ti¸ kinasingpet, ken anac ti maysa á natacneng á ti naganna Señora Treta á nagtaud iti familia á natam-oc, naammoanna ti urban dad ket nalaing á makitun-tunos iti isuamin á kita ti tao manipud principe aginggat' mangmangged iti
