101
pagna simmangpetda á naggapu iti ciudad ti Pannacarbec á gapu iti ayatda
iti Ari; ket da Cristiano ken Namnama inyawatda ti diploma isu nga inawat
ti tunggal maysa cadacuada idi nangrugida iti viaje. Dagitoy á dua á documento naipan á dagus iti Ari, ket idi Apaman á nabasana ida dinamagna
no sadino ti yan dagiti Agpagpagna. Ket idi naammoanna nga addada iti
ruar nga agur-uray isu pinalucatanna ti ruangan ket kinunanapay, "Tapno
sumrec ti nalinteg á nacion isu nga annurotenna tl kinapudno." Isa. 26: 2.
Simrecda ngarud itl uneg, ket dagus á nagbaliw ti langada ket incapetda cadacuada ti pagan-anay á cumilap á casla balitoc, ket dagidi rimmuar. á simmabet cadacuada imparangda ti tunggal maysa cadacuada ti arpa tapno agtocarda ken daydayawenda ti Apo, ken maysa á balay á dayawda. Iti parparmatac nangegac manen ti aweng dagiti camcampana ti ciudad á cas tanda ti dackel á ragsac, á cuncunada, 'Sumreccayo iti rag-ó ti Apoyo;" ket dagidi Agpagpagna nagcantada met iti dackel á timec á cuucunada, 'Iti. daydiay adda á situtugaw iti trono ken iti Cordero, bendicion ken dayaw ken gloria ken pannacabalin iti agnanayon awan inggana." Apoc. 5: 13, 14.
Idi tiempo á pannacalucat dagiti ruangan tapno sumrec da Cristiano ken Namnama kimmitaac á nalang iti uneg ket naimatangac á ti ciudad naraniag á cas ti init, dagiti lanlansanganda nabungonda ti balitoc ket adu á tattao ti agpaspasiar cadacuada á ti uloda natuonan ti balangat, dagiti imada nacalggemda ti palmas ken ar-arpa á mangandingay cadacuada no agcantada ti pagdaydayaw; ket adda met dadduma nga adda payacda ket agcancantada ti "Santo, Santo, Santo ti Apo." Kitkitaec dagitoy idi inrikepda dagiti ruangan á makinuneg idlay lugar á cayatco coma á pagbatian idi nalpascon á nakita dagiti nabuybuyac.
Timmaliawac it licudac ket nakitac ni Nacuneng isu nga umumay idi. it igid ti carayan, ket isu awan ti adu á rlgatna á binimal-lasiw á cas cada- giti dadduma ta nairana uga addat' idlay ti maysa nga agibalbaliw á managan Dakes-á- pagtalcan ket isut' naglugan idi bilogna. Idi á nacabal-lasiwen, simmang-at idi turod tapno macadanon idiay ciudad, ngem isisuna nga awan ti rimmuar á simmabet kencuana ken nangpatured kencuana. Idi á nacagteng binasana daydi adda à naisurat iti ngato ti ruangan ket rinugiauna ti immawag ta impagarupna nga isut' lucatanda ken pastrekenda á nalaca. Ngem dagidi timman-aw iti ngatona dinamagda kencuana no sadino ti naggapuanna ken no ania idi ti cayatna. Ket idi á simmungbat nga isu nakipangpangan ken maklininum iti panganan ti Ari, ket isut' insursurona cadagiti lanlansangan iti ilina, dinawatda kencuana ti diploma tapno ipakitada iti Natan-oc nga Ari. Ngem idi nga inaricapua ti siket ken bolsana nadlawna nga awan kencuana dayta á documento. Apayapay awan ti diplomam?" kinunada á dinamag, ket ni Nacuneng awan ti insungbatna. Isut' gapuna nga impacaanimoda iti Ari, ngem isut' dina kinayat a kinita, ket imbilinna cada Nasilnag; isuda á kimmuyog cada Cristiano ken Namna- ma, á ruinimuarda ket isut' tiliwenda ken reppetenda dagiti imimana ken sac- sacana ket sada paruaren idlay. Iti casta ngarud isut' ginuyogda, intulodda iii ruangan isu á nakitac iti bacrang ti turod ket isut' intappuacda iti uneg. Iti daytoy á napasamac nakitac nga adda dalan nga agturong idlay infierno uray pay manipud cadagiti ruangan, ti langit met laeng á cas met manipud iti ciudad ti pannacarbec. Iti daytoy nacariingac, ket nakitac uga isut' maysa á parparmata.
- PANUNGPALAN.
