Page:Ing Bayung Tipan.pdf/647

APOCALIPSIS 19.639

 13 At misusulud yang metung a imalan a pisikan daya; at
ing laguiu na, ING VERBO NING DIOS.
 14 At ding ejércitos banua tutukian de makasake lang.
kabayang maputi, at makaimalan lang linung masinsin a
maputi at lubus.
 15 At king keang asbuk Joal ya ing metung & talibung a
mataram, bang sugatan no kaniti ding naciones, at pagarían
na la king tukud a bakal; at daralpakan ne ing alakan ning
kabagsikan ning mua na ning Dios a mayupaya king
sabla.
 16 At king imalan na at king keang puad, atin yang
laguíung makasulat: ARI DING ARI AT GUINU RĂ
DING GUINU

 17 At ikit ke ing metung e angel makatalakad king aldo, at
kilisak nang maragul a siwala, ngana karing anggang ayup a
susulapo libutad ning banua Ume ko keni, mitipun kayu king
apunan na ning marangal a Dios;
 18 bakong mangan laman ding arian, at laman ding
pekapun, at laman ding matapang, at laman ding kabayu, at
ding makasake karela, at laman da ding aablang aske,
makanyan mu naman ding taung timawa anti naman ding
alipan, makanyan mu naman ding mangalati at ding manga-
ragul.

 19 At ikit ke ing animal, at ding ari king yatu at ding
karelang ejércitos a makatipun bang makipamuk laban
Kanitang makalukluk babo ua ning kabayu, at laban king
keang ejército.
 20 At telanan ne ing animal, a kayabe ne ing malaram a
manula a dinapat tanda king keang arapan, a iti ya ing
pemirait na karing tinanggap king kintal na ning animal, at
karing sasamba king larawan na. Deting adua miugse lang
anabie king dayatdayatan malat ning api a milalablab king
asupri.
 21 At ding aliwa mete la king talibung na Nitang ma
kalukluk babo ning kabayu, a lulual king asbuk na : at ding
anggang ayup kinabai la king laman da.