yawan, makanyan naman ing ibye yu keang pamipasakit at
lungkut; uling ya sasabyan na king pusu na Aku makalukluk kung reina, at e ku mebalu, at e ku akit kapilan man
ing kalungkutan.
8 Uling king misan a aldo datang kea ing batbat, kamatayan, lungkut, at danup; at malyari yang inaduluk king api; uling ing Guinung Dios masikanan yang matul kea.
9 At nung akit da ing asak naning keang pangasilab manangis la at managulele kea ding arian king yatu, at migkamit pamakipangaluguk at mebie king kalayawan kea,
10 magbili la king marayu uli ning takut da king dusa na, ngara Ay, ay kanitang marangal a ciudad ning Babilonia, kanítang ciudad a mayupaya; uling king metung mung oras dinatang ing keang atul!
11 At ding mangalakal king labuad manangis la at managulele kes, uling ala nang sali king kalakal da :
12 kalakal a guinta at pilak, at batung mayalaga, at perlas, at masinsin a linung maputi, at purpura, at sutia, at imalan a malutu; at miayaliwang mangabanglung dutung, at karing sarisaring kasangkapan a garing, ampon miayaliwang kasangkapan a dutung a binang mayalaga, at tangan, bakal, at marmol;
13 at kanela, ampon pagkabangla, at inciensu, at unguentu, at olíbano, at alak, ampon laru, at sampagang arina, at trigu, at animal, at tupa; at kabayu at carruages, at alipan, at kaladua ra ding tau.
14 At ding bungang pangaibugnan na ning kakang kaladua kinawani la keka; at ding anggang mangaulaga at mangasanting kinawani nangan keka, at kapilan man e mu na akit.
15 Ding mangalakal kareting bague, a mibandi king uli na, magbili lang marayu king takut da king keang parusa, pasitangis la at managulele,
16 ngara: ¡Ay, ay kanitang marangal a ciudad, a miimalan linung masinsin a maputi at purpura, at malutu at pemutian guinta, at batung mayulaga, at perlas!
17 uling king metung & oras milyari ngang melipul ing anti kanitang maragul a kayatinan. At ding anggang pekapun karing sasaken at ding anggang maglayag numan karin, at
