1ING manibat king mula, ing dimdam mi, ing ikit mi
karing kekeng mata, ing pegmasdan mi, at asalat ding
kekeng gamat, tungkul king Verbo ning Bie ;
2 (tuling ing Bie mipabalo ya, at ikit miya, at babye keng patutu, at babalita mi ya kekayu ing Bie, itang Bie alang angge, a atiu king Ibpa, at mipabalu kekami ;)
3 ing ikit mi pin ampon dimdam, iti yang pamalita mi kekayu, bang iko naman makiagum kayu kekami; at katutuan ing kekeng pamakiagum king Ibpa, ampon king keang Anak, a i Jesu-Cristo.
4 At ding bague a deti susulat mi la kekayu bang ing kekong tula mituparan.
5 At iti ya ing bilin a dimdam mi kea at pamalita mi kekayu: King ing Dios sulu ya, at kea alang dalamdum nanuman.
6 Nung sabyan tamu king atiu tang pamekiagum kea at lalakad tamu king dalumdum, maglaram tamu,.at e tamu daraptan ing katutuan :
7 dapot nung lalakad tamu king sala, antimo ya atin king sala, atin tang pamakiagum king metung at metung, at ing daya nang Jesus a keang Anak lilinisan na katamo king sabla tang kasalanan.
