This page has been validated.
- 526II. TIMOTEO 2.
tungkul king amannng e pakinabangnan, nung e ikasira ra
ding makiramdam.
15 Pakikuanan mung mapilit marap king arap ning Dios
antimong talapanibala a mesubuk, lalapanyapat a alang
nanumang pikakarine, a gumamit king matulid a amanu ning
katutuan.
16 Dapot panginlagan mu ing pamangamanung alang
kabaldugan; uling lalo la pang misundu king dewakan;
17 at ing karelang amanu kumalat antimong cangrena;
deti Himeneo ilang Fileto,
18 taung agpang king katutuan milisia la, sasabyan da
king ing pamanyabling mie milabas na; at sisiran da ing
kasalpantayanan ding mapilan.
19 Makanyan man ing pipapagtibayan king Dios makabiling
matibe, a. makitatak king anti ini: Akikilala no ning Guinu
ding kea; at: ¡Tasikalilua la king karawakan datang anggang
tutungue lang laguiu nang Cristo !
20 Dapot king metung a bale maragul, e mu ating basung
guintu at pilak nung e mu naman dutung at burak: at ding
aliwa king ikapuri, at ding aliwa king ikaalang pari.
21 Nung ing ninu man pin malinis ya kaisanu man kareti,
magmetung yang baan king kapurian, meguingbanal, makika-
baldugan ya king makibandi at makasadya king anggang
dapat a mayap.
22 Dapot manginlag ka king yangyung ning kayanakan,
at tuki ka king gulut na ning kabanalan, ning kasalpantaya-
nan, ning lugud, ning kapayapan, a kayabe ra ding mamaus
king Guinu king malinis a pusu.
23 Dapot panginlagan mu ing pisasabyan a kainangmangan,
at menibatan king kayalang beluan, baluan mu king mamung-
ang pamiaskal.
24 At ing alipan ning Guinu e dapat palpakitum, nung e
mamu ya lab karing malda, dapat ya king pamanuru, mapiba-
bata ya,
25 bawalanan na la ding sasalangsang a mamu ya lub
magkang sakali ing Dios ipagkalub na karela ing pamanisi
dikil king panangilala king katutuan;
26 at balang mabulus king silu na ning diablo, a king uli na
niti mebihag la bang dapat dikil king kaburyan na.
