Page:Ing Bayung Tipan.pdf/518

510

I TAU TESALONICA 2.

 5 E yu wari ngaganaka king inyang abe yu ku pa, sasab-
yan ku kekayu ing bague iti?
 6 At ngeni balu yu ing makapiguil kea, bayang mipabalu
king tune nang panaun.
 7 Uling ing misteriu ning dewakan darapat ne; atin mung
inetung a kakawat ngeni, at kakawatan anggang e milako king
dalan:
 8 at kanita mibnialag ya ing marawak, a patayan ne ning
Guinung Jesús king espiritu ning keang asbuk, at labangan ne
king sala ning keang panyatang;
 9 itang keang panyatang makaagpang king pamanyapat
nang Satanás, kambe na ing anggang upaya, at tanda, at
malang kalaraman,
 10 at ing anggang kapamiraitnan king e matulid, karetang
mipapahamak; antining e ra tinggap ing lugud king katutuan,
baug miligtas la.
 11 At king uli na niti, ing Dios paralan na karela ing
pamanyapat king kamalian, bala ping maniwala king kalara-
man;
 12 balang miatulan detang anggang e maniwala king
katutuan, nung e luluguran da ing e katuliran.
 13 Dapot kami atin keng katungkulan pasalamat_king
Dios, tungkul kekayu, kapatad, a kaluguran na ning Guinu,
antining pinili na ko ning Dios, manibat king mula, dikil king
pangakabus, king pamagpakabanal king Espíritu ampon ing
pamaniwala king katutuan;
 14 a kaniti inans na kayu king panamilatan na ning keka-
tang evangelio, hakong magkamit king ligaya ning Guina tang
Jesu-Cristo.
 15 Inyapin, kapatad, magtibe kayu, at isimpan yu ing aral
a mituru kekayu, king amanu naman ning asbuk, king
pamamilatan na naman ning kekong sulat.
 16 ¡ At ing Guinu ta muring Jesu-Cristo, apon ing Dios a
Ibpa tamu, a iti liguran na katamu, at binye na kekatamu ing
alang anggang tula ampon ing mayap a kapanaligan king
pamamilatan na ning kalam,
 17 Patulan no sa ding kekong pusu, at apapagtibayan ba
kayu king anggang dapat at king amanung mayap !