daya ning keang Cruz; king pamamilatan na, ngaku, maguing
ding bague man keti babo yata, o ding bague mang karin banwa.
21 At ikayu kanitang milabas a panaun pakakawani kayu at kasalang king kekong pamiisip, king kekong dapat a mangarawak, dapot makanyan man ngeni pikasundu na kayu,
22 king katawan ning keang laman king pamamilatan na ning kamatayan, bang ayarap na kong banal at alang musing at alang pangapintas king keang arapan:
23 nung tune a manatili kayu king kasalpantayanan, a ating katatalakaran at matibe, at e makimat king kapanaligan king evangeliong dimdam yu at inipanaral karing anggang melalang king Islam ning banwa; a aku i Pablo ing minial talasiasat.
24 Ngeni masaya ku king kakung kasakitan king uli yu at tutuparan ku king kakung laman ing kakulangan na pa ning kasakitan nang Cristo king kakung laman king uli na ning keang katawan, a ya ing Iglesia ;
25 a aku mialal kung talasiasat kaniti, agpang king pamanibala na ning Dios kekayu a binye na kanaku, bang ipanaral at matupad ing amanu na ning Dios,
26 ing misteriong misalikut king anggang panaun at karing dai, dapot ngeni mibulalag karing keang banal;
27 a karela birian na ning Dios a ipakilala na nung nanu ing pibandian king libutad da ding gentil, a iti ya i Cristo a atiu kekayu, ing kapanaligan king ligaya:
28 a ya ing kekaming panaral, at pamalita karing anggang tan, at tuturu karing anggang tau, king mabilug a kabiasnan, bang ayarap mi lang sakdal kang Cristo ding anggang tau;
29 king bague a iti aku man darapat ku, pagpilitan kn
agpang king keang pamanyapat, kanaku dinapat yang makikayupayan.
2ULING buri ku abalu yu nung nuanti dagul ing pamagkapilit ku kekayu at karing atin Laodicea, at karetang
anggang e menakit king lupa ku king laman;
2 balang tumula ding karelang pusu, king karelang pamiagumagum king lugud; king anggang pibandian king labus a
