Page:Ing Bayung Tipan.pdf/476

 4 Makakalilus kong lubus kang Cristo, ikong bisang matanggap
banal king uli na ning kautusan; menabu kayu a menibat
king kalam.
 5 Uling ikami pin, king pamamilatan na ning Espiritu,
king kasalpantayanan (e king dapat) panayan ni ing pangaku
king kabanalan.
 6 Uling kang Cristo Jesús, aguiang ing pangatuli alang
kabaldugan, at aguiang ing e pangatuli, nung e ing kasal-
pantayanan a darapat king pamamilatan na ning lagud.
 7 Pupulai kong mayap; ninung babye pangabala kekayu,
bang e ko mamintu king katutuan?
 8 Iting amuyut a mililisia kekayu, e ibat Kanitang kekayu
mamaus king keang kalam!
 9 ¡Ing ditak a levadura ipakumbo na ing keganaganang
masa!
 10 Aku atin kung kapanaligan dikil kekayu king Guinu,
king e ko misip king aliwang bague: dapot ing munye
pangabala kekayu idala na ing parusa na, maguing ninu
paman.
 11 Dapot aku, kapatad, nung ipanaral ku nu ing pangatuli,
dikil king sasabyan da, bakit maliligalig ku mu? nung
makanyan mepupus na ing katatakiran king Cruz:
 12 Buri ku sa a king ding manhingasngas kekayu, karela
murin makutud nang lubus ing kekong pamakiabe!

 13 Uling ikayu, kapatad, menus kayu king katimawan;
bukud a e ye sa gagamitan ing kekong katimawan bang dinan
panaun ing laman; nung e bagkus king pamamilatan na ning
Iugud, misusoynanan kayu ing metung at metang.
 14 Uling ing anggang kautusan matutupad king metung
mung amanu, a ya ini: Luguran me ing lupa mung tan
antimo keka.
 15 Dapot nang ing metung at metang kekaya mipapangeat
kayu at mipapanganan kayu, ¡mingat kayu magkang mipapanapas
kayu ing metung at metung!

 16 Sasabayan ku pin: Lumakad kayu dikil king Espíritu,
at a yo pamintuan ing nasa ning laman!
 17 Uling ing laman mangariria ya salang king espíritu, at
ing espíritu salang king laman; uling deti mikasama la ing
metung at metung; nanupata e yu arapat ing bague a buri yu.