Page:Ing Bayung Tipan.pdf/471

TAU GALACIA 2 & 3.468

kabanalan nung makanyani Cristo mete yang alang
kabaldugan.

 Ing kautusan ala yang kayupayan mangabus, dapot
     yang mamatad kang Cristo at king
        kasalpantayanan.


3¡OH tau Galacia a mangmang! ninang mekaguna
kekayu a karing mata yn i Jesu-Cristo á pepalague rang
masala antimong pinaku ya?
 2 Iti yang bukud a buri ku sang abalu kekayu: ¿Tinggap
ye ing Espiritu king dapat ning kautusan & king panabilin na
ning kasalpantayanan?
 3 Bina na kong mangmang? ¿kaihat yung migmula king
Espíritu, ngeni magpakatune ko king laman?
 4 ¿Mibata kong dakal a bague king alang kabaldugan;
nung king katutuan alang kabaldugan?
 5 Ing babye na pin kekayu ning Espíritu, at darapat yang
mala kekayu, daraptan na iti king dapat ning kautusan ó
king pamanabilin na ning kasalpantayanan ?
 6 Antimo i Abraham sinalpantaya ya king Dios, at iti
mibilang nang kabanalan.
 7 Balu yu pin a king ding king kasalpantayanan, deti anak
Dong Abraham.
 8 At ing kasulatan antining mekilala king ing Dios tatan-
gapan nong banal ding gentiles king kasalpantayanan, penaral
na neng minuna ing evangeliu kang Abraham, ngana: Keka
mipanuanan la ding anggang dai.
 9 Inya ding king kasalpantayanan mipanuanan lang kayabe
na ning talasalpantayang Abraham.
 10 Uling ding anggang king dapat ning kautusan, atilu king
lalam ning sumpa; uling makasulat: ¡ Makasumpa la detang
anggang e manatili king anggang makasulat king libru ning
kautusan, a daptan da iti!
 11 Dapot ing dapat a king kautusan ainumán e matanggap
banal king arapan na ning Dios, malino; uling makasulat:
Ing banal mie ya king uli na ning kasalpantayanan :
 12 at ing kautusan e ya king kasalpantayanan, nung e
casabyan na: ¡Ing dapat kareting bague, mie ya king uli ra!
 13 I Cristo makanyan man inatbus na katamu king sumpa.