Page:Ing Bayung Tipan.pdf/424

416I. TAU CORINTO 9.

 3 Iti yang kakung tututul dikil karing kaku kukutang.
 4 ¿Ala ta waring katuliran mangan at minum?
 5 Ala tang katuliran mituki nukarin paman metung a
asawang a sasalpantaya antimo ding aliwang apóstol, at ding
kapatad king Guina, ampon i Cefas?
 6 ¿ O bukud aku ampon i Bernabé ing alang katuliran a a
dapat?
 7¿Nina ing sumnyang anting sundalus kapilan man king
sarili nang gugul? ¿ninu ing tatanam uvas, at e ya mamangan
king bunga na? ¿o ninu ing papastul king metung a kawan,
at e magkabye king gatas ning kawan?
 8 ¿Sasabyan ku wari iti dikil mu king kaugalian ding tan;
o e na sasabyan ning kautusau mu naman iti ?
 9 Uling makasulat king kautusan naug Moisés: Eme dirinan
busal ing vacang dadara. ¿Ding vaca wari ilang ingatan nang
makanyan ning Dios;
 10 o sasabyan nang tune iti king uli tamo? King alang
kapikakunuan misulat king uli tamu: uling ing sasarul, dapat
yang sarul makikapanaligan, at ing dadara, dapat yang duma-
rang makikapanaligan a mirakayan.
 11 Nung ikami tinanam keng dikil kekayu king bague tong-
kul king espiritu, ¿maragul a bague ing pupulan mi itg kekong
bague a dikil king laman?
 12 Nung ding aliwa atin la king anti kaniting katuliran yu,
¿lala na pa ikami? Makanyan man e mi guinamit ing katuliran a
iti; nuage bagkus, ing sabla pibabatan mi, ban e maguing
makapangabala nanuman king evangelio nang Cristo.
 13 ¿E ya balu king ding darapat karing banal a bagus,
mamangan la karing bague tungkul king Pisamban, at ding
susayu king altar korake no ning altar?
 14 Makanyan mu naman inutus na ning Guinu, king ding
manaral king evangelio, mabibie la king evangelio..

Keala nang nasa at pamanlugud Pablo.
Ing bayaning Cristiano.

 15 Aku makanyan man aku guinamit; iman man king
katuliran a iti; at e ku susulat ing bague a iti bang kaku makan-
yan ing marapat; ¡uling mayap pa kaku ing mate, ketang
paalanang kabaldugan ning ninuman ing kakung pagmarangal!