21 at lubus bitasan na king ing pengaku Na, a tuparan na naman..
22 King uli na niti binilang na namang kabanalan kea.
23 At a mu bukud misulat king uli na a mibilang makanyan kea;
24 nung e king kekatamu man, a nung kaninu kekatamung sasal pantaya Kanitang mitalakad karing mete kang Jesús, a Gainu tamu,
25 a iti miabye ya king uli na ning kekatang kapanalangsangan, at ainubli yang mebie bang king kekatang ikatanggap banal.
5 ANTINING metanggap ping banal king kasalpantayanan, atin tamung kapayapan king Dios, king paunamilatan na ning Guina tang Jesu-Cristo;
2 at king pamamilatan na mirinan tang pamanlub king kalam a iti, a nung nu ta karin, king uli na ning kasalpantayanan tamu, at magasya tamu king kapanaligan king ligaya na ning Dios.
3 At e mu bukud makanyan, nung e tumula tamu naman king kekatang kasakitan; antining baluan king ing kasakitan darapat kapibabatan;
4 at ing kapibabatan darapat subuk; at ing subuk, kapanaligan;
5 at ing kapanaligan e mikakarine; uling ing lugud ning Dios makabubu karing kekatang pusu, king pamamilatan na ning Espiritu Santo, a miabye kekatamu.
6 Uling i Cristo, inyang maina ta pa, king kapanannan, mete ya king ali ra ding mangarawak.
7 Uling malagad mu king uli na ning metung a banal mate ya ing ninuman; at king uli na ning taung mayap, mekad atin pang ninuman a mangangas magpakamate:
8 dapot ing Dios itatalaga na ing keang lugud dikil kekatamu, aling kanitang itamu makasalanan ta pa, i Cristo mete ya king nli tamu.
9 Laluna pin, metanggap tamung banal king keang daya miligtas tamu king mus king uli na.
