11 Iti ya ing batung sikuil yu ikong aluagui, a iti meguing pamuntuk ya king suluk.
12 At kaninu pa man alang kaligtasan; uling ala metung mang laguiu lalam ning banua, a misbie karing tau, a makakabus kekatamu.
13 At inyang akit da ing tapang nang Pedro ampon i Juan, at inyang atalastas da king tau lang alang pegaralan at beluan, mengapamulala la; at king kawakasan kilala ra la, king akayabe nong Jesús.
14 At inyang akit de ing taung kinayap, a makatalakad libutad da, ala lang asabing makasalang.
15 Dapot inyang pepalualan do king Sinedrio, misabisabi la king sarili ra,
16 ngara. ¿Nanung daptan tamu karing taung deti? Uling masala karing anggang manuknangan Jerusalem, a ing metung a malang maragul mepalyari king uli ra; at itàmu e tamu alingad.
17 Makanyan man, bang iti e na mikalat king balayan, balan ta la, iyutus ta pin king manibat na ngeni e no manyabi king laguiung iti kaninumang tau.
18 At inyang ayaus da na la, inutus da karela king e la manyabi nanuman at turu king laguin nang Jesús.
19 Dapot i Pedro ilang Juan mekibat la at sinabi ra karela : Atulan yu nung katuliran king arap ning Dios ing ikayu pamu ing pakiramdaman mi bayu ing Dios!
20 uling tungkul kekami, e mi arapat ing e ke manyabi karing bague a ikit mi at dimdam.
21 Nanupata kaibat do pang belan, binulus da la, antining ala lang ikit a aparusa ra karela, uli na ning balayan; uling ila ngan pupuri la king Dios uli na ning mepalyari :
22 uling maiguit neng apat apulung banua ing tanng kepalyarian na ning malang pangaułu.
23 Inyang mabulus na la, belikan do ding karelang abe, at selese ra ing keganaganang sinabi ra karela ding pun ding sacerdotes ampon ding makatua.
24 Kanita ila, inyang damdaman da, pikametung dang sikan ing siwala ra king Dios, ngarang masabi: ¡Guinu! ika ing Dios a linalang king banua, at king gabun, at king dayat malat, at king keganaganang atiu karela;
