40 I Jesus sinabi na kea: ¿E ku sinebi keka nung sal- pantaya ka, alat mu ing ligaya na ning Dios?
41 Leko re pin ing bata king karinan a kabilyan na ning mete. Kanita i Jesus inatna no ding mata na babo, at sinabi oa: ¡Ibpa, pasalamat ku keka uling pekiramdaman mu ku!
42 At baluan ku king kapilan man pakiramdaman mu ku, dapot sinabi ku king uli na ning kekaldan, a makarap balang salpantaya king aku tinubud mu ku.
43 At pangasabi na niti, kinulait yang masikan : ¡Lizaro, Inal ka !
44 At itang mete limual ya, maketali ya bitis ampon gamat king panali, at makeabalut ya lupa king metung a ulas. I Jesus sinabi na karela: ¡Kalagan ye, at paburen yeng mako |
45 Dakal la pin ding Judios a mine kang Maria, at ikit da ing depatan nang Jesus, meniwale la kea.
Ding fariseos misangguni la bareng papate i Jesus.
46 Dapot ding mapilan karela mine la karing fariseos, at sinabi ra karela ing depatan Bane: Jesus.
47 Kanita ding pun ding sacerdotes at fariseos mipulung la king pititipunan at sinsbi ra: ¿Nanung daptan: tama ? uling ing taung iti dayapat yang dakal a mala.
48 Nung paburen tayang makanyan, ding sable salpantaya la ngan kea, at datang la ding tau Roma at kunan da ing karinan tamu ampon ing kekatang naciun.
49 Dapot ing metung karela, i Caifas, a marangal a sacer- dote king banuang ita, sinabi na karela: ikayu nanuman ala kong balu,
50 e yu na inisip man a kekatamu karampatan a ing kata- ung tau mate ya king uli na ning balayan e ing mabilug a naciun mipanganyaya.
51 Iti sinabi na e king keang aarili; dapot antining yang marangal a sacerdote king banuang ita, inulan na king i Jesus mate ya king uli na ning naciun ;
52 ate mu king uli na ning naciun, nung e bang mitipun la king metng ding anak ning Dios a pakakalat.
53 Manibat king aldo a ita pikametung da na king papate re.
