Page:Ing Bayung Tipan.pdf/185

SAN LUCAS 11 & 12.177

piginulan deng telikan miamasamas, at usukan de bayang
inanyabi king dakal a bague;
 54 pakirakpan de, at pagpilitan dang makarakap metung
mumang manu king asbuk na bareng a dalum.

       Nung kaninu dapat tumakut.

12 KABANG mititipun la ding libunglibang tau, naṇupata
 miraramusakan la ing metung at metung, miguula
yang minyabi kaunanunan karing keang alagad, ingatan yu
ing lebadura ra ding fariseos, a ya ing pamagbanalbanalan.
 2 Dapot alang makatakap a e mibulalag; at alang nanumang
makasalikut a e mabalu.
 3 King uli na niti ding bague a sinabi ya king madalumdam,
maramdam king masala; at ing sinabi yung malale karin
king silid, mikulait king bubungan.
 4 Dapot sasabyan ku kekayu, kaluguran ku: E ko tatakut
karing papate king katawan, at kaibat ala nong arapat.
 5 Dapot ituru ku kekayu nung kaninu ko tumakut:
Tumakut ko kanitang kaibat nang leko ing bie, atin yang
kayapayan miugse king infierno: katutuan sasabyan ku
kekayu: Iti yang pitakutan yu.
 6 ¿E balang limang denas pisasali rong aduang tiduang
kualta ? at ninuman karela e makakalinguan king arapan na
ning Dios.
 7 Dapot aguiang ing buak na ning kekong buntuk makabi-
lang ngan. E ko pin tatakut: maiguit kong mipakamalan
karing dakal a denas.
 8 At sasabyan ku kekayu king ninuman itang mipasiag
kanaku king arapan da ding tao, makanyan mu naman ing
Anak ning tau ipasing ne king arapan da ding ángeles ning
Dios.
 9 Dapot ing paali kanaku king arapan da ding tau, mipaalian
ya king arapan da ding ángeles ning Dios..
 10 At ding anggang manyabing sabing makasalang king
Anak ning tau, mipatawaran ya; dapot ing manyabing kapusungan
salang king Espiritu Santo, e ya mipatawaran.
 11 At nung dalan da kayu karing sinagoga, at karing
pekapun at makikayupayan, e yu piisipan ing ipakibat yu king
pamanlualu king sarili ya.