Page:Ing Bayung Tipan.pdf/144

138SAN LUCAS 1.

 38 At i María sinabi na: Oini ing alipan na ning Guiou,
marapat kanaku nung makananu ing amanu mu. Ai ing
ángel likuan ne.

    Ing pamanalo nang Maria kang Elizabet.

 39 At king aldo a deți tinalakad ya i María, mine yang
mirarapal king kabundukan, king metung nang cindad Judá,
 40 at panlub na king bale nang Zacarías, inatu ne i
Elizabet.
 41 At milyari, king kantang dimdam nang Elizabet ing
atu nang Maria, ing pungul linukau ya king atian na; at i
Elizabet kinatmu ya king Espiritu Santo,
 42 at minyabi yang masikan, at ngana: Nuan ka karing
sablang babai, at nuan ya ing bunga na ning atian mo.
 48 At nukarin kanaku iti a detangan na ku ning indu na
ning Guinu ku a yapa na ku?
 44 Uli uing, oini, inyang datang karing panamdam ku ing
siwala ning kekang atu, ing pangul masaya yang linuksu king
atian ko.
 45 At nuan ya ing babaing sinalpantaya, uling mipa-
mintuan ngan ing sinabi na kes ning Guinu.

    Dalit nang Maria.

 46 Kanita i Maria sinabi na:
Sasaplala ne ning kaladwa ku ing Guinn,
 47 at ing espíritu ku metala ya king Dios a mangabus
kaku.
 48 Uling linawe na ing kebaban na ning kang alipan a
babai;
inyapin manibat ngani ansan da kung nuan;
 49. uling depatan na kanaku ning Mayapsys ing mangaragul
a bague ;
at banal ing laguiu na.
 50 At ing pakalulu na karing dai at dai,
misbie karetang makitakut kea.
 51 King keang takde dinapat yang sikanan :
simbulat na la ding palalu uli ning kaisipan na ning
karelang pusa.
 52 Leko na la ding mayupaya king karalang luklukan,
at tinas no ding mababa lub.