| palatukuran kag mga kasogoan, kag
pagapakilalahon mo sila sang dalan nga dapat nila laktan kag sang buluhaton nga dapat nila himoon. 21 Apang magapangita ka sa tungâ sang banwa sing mga tawo nga mga sampaton, mga mahadlukon sa Dios, mga tawo sa kamatooran, nga nagakaakig sang kakagud, nga pagibutang mo sila sa ibabaw nila, nga mga pangolo sa mga linibo, mga pangolo sa ginatus, mga pangolo sa kinalim-an kag mga pangolo sa tagnapúlô. 22 Kag sila magahulukom sa banwa sa bug-os nga panag-on kag manginamo, nga ang tanan nga kasaba nga dalagku pagadalhon sia nila sa imo, apang ang tanan nga kasaba nga magamay sila gid ang magahukom. Sa sini magamag-an ang kabug-at sa ibabaw nimo, kay sila magadalá sini upud sa imo. 23 Kon himoon mo kunta ini, kag ang Dics magsogo sa imo sini, niyan makapadayon ka kag ining bug-os man nga banwa magaabut sa iya duug sa paghidaet." 24 Kag gindungug ni Moises ang tingug sang iya ugangan, kag ginhimo niya ang tanan nga ginsiling niya sa iya; 25 Kag ginpili ni Moises ang mga lalaki nga mga sampaton, sa tungâ sang bug-os nga Israel, kag ginbutang niya sila nga mga pangolo sang banwa, nga mga pangolo sang linibo, mga pangolo sang ginatus, mga pangolo sang kinalim-an kag mga pangolo sa tagnapúlô. 26 Kag ini sila magahulukom sa banwa sa bug-os nga panag-on: ang kasaba nga maiwat ginadala nila kay Moises; apang ang tanan nga kasaba nga magamay sila gid ang nagahukom sini. 27 Kag ginpapauli ni Moises ang iya ugangan, kag nagpakadto sia sa iya duta.
2 Kag nagtalaliwan sila gikan sa Repidim, kag nag-alabut sila sa kahanayakan sa Sinai, kag nagdúlog sila sa kahanayakan; ang Israel nagdúlog didto sa atubangan sang bukid. 3 Kag si Moises nagtukad sa Dios; |
kag si Iehoba nagtawag sa iya kutub sa
bukid, nga nagasiling: "Amo ining pagaisiling mo sa balay ni Jakob kag pagaibantala mo sa mga inanak ni Israel: 4 Kamo nagpakakita sang ginhimo ko sa mga Egiptohanon, kag kon paano nga ginpakupo ko kamo sa ibabaw sang mga pakpak sang agila, kag gindalá ko kamo diri sa akon. 5 Busa karon, kon magdulungug kamo sing matalupangdon gid sang akon tingug kag magbalantay kamo sang akon katipan, manginbahandi nga pinasahi kamo nakon sa tunga sang tanan nga mga banwa, kay ang bug-os nga duta akon sia 6 Kag kamo manginakon ginharian sang mga saserdote, kag katawohan nga balaan. Ini sila among mga polong nga pagaisiling mo sa mga inanak ni Israel." 7 Niyan nagkadto si Moises, kag gintawag niya ang mga tigulang sang banwa, kag ginpahayag niya sa atubangan nila ining tanan nga mga polong, nga ginsogo sa iya ni Iehoba. 8 Kag ang bug-os nga banwa nagsabat sing dulangan, kag nagsiling: "Ang tanan nga ginsiling ni Jehoba pagahimoon namon." Kag ginsugid ni Moises kay Iehoba ang mga polong sang banwa. 9 Kag si Iehoba nagsiling kay Moises. "Yari karon ako magakari sa imo sa isa ka madamol nga gal-um, agud nga ang banwa magpamati sa nagahambal pa ako sa imo, kag agud nga magtoloo man sila sa imo sa gihapon." Kag ginsugid ni Moises ang mga polong sang banwa kay Iehoba. 10 Kag si Iehoba nagsiling kay Moises: "Balik-ka sa banwa kag pakabalaana sila karon kag buas, kag magpalamunak sila sang ila mga panapton; 11 Kag maghalanda sila nga sa ikatlo ka adlaw, kay sa ikatlo ka adlaw si Iehoba nagpanaug sa mga mata sang bug-os nga banwa, sa ibabaw sang bukid sa Sinai. 12 Kag magapat-in ka sing mga dulunan sa banwa sa palibot, nga nagasiling: Alandam-kamo sa pagtaklad sa bukid, kag sa pagkamlut sa iya mga dulunan bisan sin-o nga magkamlut sa bukid pagapatyon sia, sa pagkamatuud. 13 Wala sing kamut nga makakamlut sa iya, nga indi sia, sa pagkamatuud, pagbatohon kon pagbaslayon: bisan sia |
94
