| ses "Kon makapauli na kamo sa Egipto, tuluka nga maghimo ka sa atubangan ni Paraon sang tanan nga mga
kalatingalahan nga ginbutang ko sa imo mga kamut; apang pagapatig-ahon ko ang iya tagiposoon, sa bagay nga indi niya pagtugutan nga magpalakaton ang banwa. 22 Kag magasiling ka kay Paraon: Si Iehoba nagasiling sing subung sini: Ang Israel among akon anak, ang akon panganay; 23 Ginasiling ko sa imo: Tuguti sa paglakat ang akon anak, agud nga magalagad sia sa akon; apang kon ikaw magdumili sa pagpalakat sa iya, yari karon, pagapatyon ko ang imo anak, ang imo panganay." 24 Kag nahanabu, sa dalanon, nga sa isa ka palahuwayan nagsugata sa iya si lehoba, kag naghimulat sia sa pagyatay sa iya. 25 Niyan si Sepora nagkuha sing isa ka santikan nga inatalum, kag ginutúd ang naibabaw nga panit sang iya anak nga lalaki, kag ginhaboy niya ini sa iya mga tiil, nga nagasiling: "Sa pagkamatuud, ikaw among akon isa ka bana sa dugo." 26 Sa sini gintugutan sia ni Iehoba sa paglakat. Kag sia nagsiling: "Bana sa dugo, bangud sang pagtuli." 27 Kag si Iehoba nagsiling kay Aaron: "Lakat-ka sa pagsugata kay Moises sa kahanayakan." Kag sia naglakat didto, kag ginsugata niya sia sa bukid sang Dios; kag ginhalukan niya sia. 28 Niyan ginsugid ni Moises kay Aaron ang tanan nga mga polong ni Iehoba, nga nagpadala sa iya kag ang tanan nga mga talandaan, nga gintugon niya sa iya. 29 Niyan naglalakat si Moises kag si Aaron, kag gintipon nila ang tanan nga mga tigulang sang mga inanak ni Israel. 30 Kag ginhambal ni Aaron ang tanan nga mga polong nga ginsiling ni Iehoba kay Moises, kag naghimo sia sang mga talandaan sa atubangan sang mga mata sang banwa. 31 Kag ang banwa nagpáti. Kag sang nabatian nila nga si lehoba nagduaw sa mga inanak ni Israel, kag nga nakita niya ang ila kalisdanan, naglayaub sila kag naghalapa. |
Si Moises kag si Aaron sa atubangan sang
hari sa Egipto.-Ang banwa ginaяmatamat sang pabug-at pa.
2 Kag si Paraon nagsabat: "¿Sin-o bala si Iehoba, agud nga ako magpamati sang iya tingug, kag magtugut sa pagpalakat sa Israel. Ako wala makakilala kay lehoba, bisan magatugut man ako sa pagpalakat sa Israel." 3 Kag sila nagsililing: "Ang Dios sang mga Hebreinhon nagsugat sa amon busa itugut nga maglakat kami karon sa tatlo ka adlaw nga panlakatan sa kahanayakan, kag nga maghalalad. kami kay Iehoba nga amon Dios, basi pa nga magkari sia sa ibabaw namon nga may kamatay, kon may hinganiban." 4 Niyan ang hari sa Egipto nagsiling sa ila: "Moises kag Aaron, kay ngaa bala ginapauntat ninyo ang banwa sa ila palangabudlayan? Kaladto-kamo sa inyo mga lulan." 5 Nagsiling man si Paraon: "Yari karon ang banwa sang duta madamu karon, kag ginapauntat ninyo sila sa ila mga lulan." 6 Kag si Paraon nagsogo sadto gid nga adlaw sa mga manugtatap sang banwa kag sa ila mga manuggahum, nga nagasiling: 7 "Kutub karon indi ninyo pagnatagan sing dagami ang banwa sa paghimo sing tisa, subung kahapon kag sang isa kahapon; magkaladto sila, kag magtipon sila gid sang dagami. 8 Kag pagatakayan ninyo sila sang tisa nga ginahimo nila kahapon kag sa isa kahapon. Kag indi gid ninyo pagbuhinan sa ila, kay mga matamad sila, kag tungud sini nagasilingit sila, nga nagasiling Makadto-kami sa paghalad sa amon Dios. 9 Pabug-ata ang kahiolipnan sa ibabaw nila, agud nga magpalangabudlay sila sa iya, kag indi sila magpalamati sa mga polong nga butig." 10 Kag sang naggulowa ang mga manugtatap sang banwa kag ang ila mga manuggahum, naghalambal sila sa ban- |
74
