|
13 Kag si Moises nagsabat kay lehoba: "Kag mabatian ini sang mga Egiptohanon, kay ginpataklad mo ining banwa tungud sang imo gahum sa tungâ nila. 14 Kag pagaisiling nila ini sa mga pumuluyo sini nga duta. Nakabati sila nga ikaw, oh Iehoba, yara ka sa tungâ sini nga banwa, ikaw, oh Iehoba, nga nagapakita ka sa mata kag mata; kag nga ang imo panganud yara sa ibabaw nila, kag sa adlaw nagaúna ka sa ila sa isa ka haligi nga panganud kag sa gab-i sa isa ka haligi nga kalayo. 15 Busa, kon ipapatay mo ini nga banwa, subung sa isa lamang ka tawo, niyan ang mga katawohan, nga nagpakabati sang imo kabantugan, magahalambal, nga nagasililing: 16 Tungud kay si Iehoba wala sing gahum sa pagpasulúd sini nga banwa sa duta, nga iya ginsumpa sa ila, ginpatay niya sila sa kahanayakan. 17 Busa karon, nga ipahayag sang Ginoo, ginaampo ko, ang pagkadaku sang iya gahum, sono sang ginhambal mo, nga nagasiling: 18 Si Iehoba makuli sa pagpangakig, kag bugana sa kalooy, nga nagapatawad sang kalautan kag sang kamalalison, nga wala niya pagkabiga nga walay salâ ang malalison, nga nagaduaw sang kalautan sang mga ginikanan sa ibabaw sang ila mga anak tubtub sa ikatlo kag tubtub sa ikap-at nga kaliwatan. 19 Busa, patawara ang kalautan sini nga banwa, sono sang kadaku sang imo kalooy, kag sono sang pagpatawad mo sini nga banwa kutub sa Egipto tubtub diri." 20 Kag nagsiling si Iehoba: "Ginapatawad ko, sono sa imo polong. 21 Apang, sa pagkamatuud gid, nagakabuhi ako, kag ang akon himaya magatugub sang bug-os nga duta. 22 Nahanungud sining tanan nga mga tawo nga nakakita sang akon himaya, kag sang akon mga tandaan, nga ginhimo ko sa Egipto kag sa kahanayakan, kag nga ginsulay na nila ako sing makapúlô, kag wala sila magpalamati sang akon tingug, 23 Indi sila gid makakita sang duta, |
24 Apang ang akon ulipon nga si Kaleb, tungud kay may isa ka espiritu nga lain sa iya, sa bagay nga nagsunud sia sing natinumanon gid sa akon, ako magapasulúd sa iya sa duta, nga iya ginkadtoan, kag ang iya kaliwatan magatagiya sa iya. 25 Karon ang mga Amalekinhon kag ang mga Kanaanhon nagapuluyo sa nalupyakan buas balalik-kamo kag magtalaliwan-kamo pa kahanayakan sa dalanon sang dagat nga Mapula 26 Kag si Iehoba naghambal kay Moises kag kay Aaron, nga nagasiling: 27 "Tubtub pa bala san-o magaantus ako sining katilingban nga malauton, nga nagapamasol batok sa akon? Nabatian ko ang mga pagbasol sang mga inanak ni Israel, nga nagapamasol batok sa akon. 28 Isiling sa ila: Nagakabuhi ako siling ni Iehoba, nga sono sang ginhambal ninyo sa akon mga idulungug, amo man ang pagahimoon ko sa inyo. 29 Ang inyo mga lawas nga patay magakalapukan sa sini nga kahanayakan, kag ang tanan ninyo nga mga napangisipan, sono sa tanan nga isip ninyo kutub sa duha ka púlô ka tuig ang edad pa ibabaw, nga amo ang mga nagpamasol batok sa akon, 30 Kamo, sa pagkamatuud, indi makasulúd, nga tungud sa iya ginbayaw ko ang akon kamut sa pagpapuyo sa inyo sa iya, luwas si Kaleb, anak ni Iepune, kag si Josue, anak ni Nun. 31 Kag ang inyo mga magamay, nga ginsiling ninyo nga manginisa ka inagaw sila, pagapasudlon ko ini sila, kag makakilala sila sang duta, nga inyo ginsikway. 32 Nahanungud sa inyo, ang inyo mga lawas nga patay magakalapukan sa sini nga kahanayakan, 33 Kag ang inyo mga anak magapalahalab sa kahanayakan sing kap-atan ka tuig, kag sila magadalá sang kangitngitan sang inyo mga pagpakighilawas, tubtub nga magkasipot ang inyo mga bangkay sa kahanayakan. 34 Sono sa kadamuon sang mga adlaw nga ginusisa ninyo sang duta, kap-atan ka adlaw, ang isa ka tuig tungud sa isa ke adlaw, magadalalá kamo sang inyo |
191
