| espiritu sang kaimon, nga may kaimon
sia sa iya asawa, nga nadagtaan sia; kon mag-abut sa ibabaw niya ang espirtu sang kaimon kag may kaimon sia sa iya asawa, nga wala sia madagtai, 15 Niyan ang bana magadalá sang iya asawa sa saserdote kag magadalá sang iya halad kaúpud sa iya: ang isa ka púló sang isa ka epa nga harina sang sebada. Indi niya pagbo-boan sa ibabaw sing lana, kag indi niya paghutangan sa ibabaw sing insienso, kay halad sia nga kalanon sa kaimon, halad sia nga kalan-on sa pagpahanumdum, nga nagapapahanumdum sang salà. 16 Kag pagapapalapiton sang saserdote ang asawa, kag pagaipapahamtang sia niya sa atubangan ni Iehoba. 17 Ugaling magakuha ang saserdote sang tubig nga balaan sa isa ka suludlan nga lunang kag ang saserdote magakuha man sang yab-ok nga yara sa salug sang Puluy-an kag pagaibutang niya ini sa tubig. 18 Kag pagapatindugon sang saserdote ang babae sa atubangan ni Iehoba, kag pagabuksan niya ang olo sang babae, kag pagaibutang niya sa iya mga kamut ang halad nga kalan-on nga sa pagpahanumdum, nga amo ang halad nga kalan-on sa kaimon: kag dira sa kamut sang saserdote ang mga tubig nga mapait nga nagahakut sing pagpakamalaut. 19 Kag ang saserdote magapasumpa sa babae kag magasiling sa iya: Kon wala sing bisan sino nga nakadológ sa imo, kag kon wala ka maglipas sa imo bana nga sa kahigkoan, magpahayag nga walay salâ ka sa sining mga tubig nga mapait, nga nagahakut sang pagpakamalaut; 20 Apang kon naglipas ka sa imo bana, kag nagpadagta ka kag nagpakighilawas sa imo ang isa ka tawo nga indi imo bana; 21 Niyan ang saserdote magapasumpa sa babae sa panumpa sa pagpakamalaut, kag ang saserdote magasiling sa babae: Himoon ka kunta ni Iehoba nga paghimalaut kag nga panumpa sa tunga sang imo banwa, himoon ni Iehoba nga maitus ang imo balikawang kag nga magbanog ang imo tian. 22 Kag ini nga mga tubig nga nagahakut sing pagpakamalaut magsulud sa imo mga kasudlan, agud nga mag-
|
banog ang imo tian kag maitus ang
imo balikawang, Kag ang babae .magasiling Kabay pa, kabay pa! 23 Pagaisulat sang saserdote ini nga mga pagpakamalaut sa tolon-an, kag pagapanason niya sila sa mga tubig nga mapait. 24 Kag pagaipainum niya sa babae ang mga tubig nga mapait, nga nagahakut sang pagpakamalaut, kag ang mga tubig nga nagahakut sang pagpakamalaut, magasululúd sa iya sa pagpatubas sing kapaitan. 25 Kag pagakuhaon sang saserdote sa kamut sang babae ang halad nga kalan-on sa kaimon, kag pagahabugon niya ang halad nga kalan-on sa atubangan ni Iehoba, kag pagaihalad niya sia sa atubangan sang halaran. 26 Kag ang saserdote magakuha sing isa ka hakup sang halad nga kalan-on nga halandumanan sa iya, kag pagasumugon niya ini sa halaran, kag niyan pagaipainum niya sa babae ang mga tubig. 27 Sa mapainum niya sa iya ang mga tubig, mahanabu nga, kon sia nadagtaan kag nagluib sa iya bana, ang mga tubig nga nagahakut sang pagpakamalaut, magasululúd sa iya, sa pagpatubas sing kapaitan, kag magabanog ang iya tian kag maitus ang iya balikawang, kag ining babae manginisa ka pagpakamalaut sa tungà sang iya banwa. 28 Apang kon ang babae walà madagtai, kondi nga putli sia, pagakilalahon sia nga walay sala kag magapanganak sia. 29 Ini among kasogoan sang mga kaimon, kon ang isa ka asawa magluib. sa iya bana, kag madagtaan sia. 30 Kag kon mag-abut sa ibabaw sang isa ka tawo ang espiritu sa kaimon, kag may kaimon sia sa iya asawa niyan pagapatindugon niya ang babae sa atubangan ni Iehoba, kag pagaidapat sa iya. sang saserdote ining bug-os nga kasogoan. 31 Kag ang lalaki manğinnaluwas sia sa kalautan, apang ang babae magadalá sang iya kalautan."
2 "Ihambal sa mga inanak ni Israel |
177
