| hamut, ang kumbung nga sa salamputan sang Layang-layang,
39 Ang halaran nga tumbaga, ang ginihaan nga tumbaga nga sa iya, ang iya mga yayongan kag ang tanan niya nga mga gamit, ang batiya kag ang iya tulungtungan, 40 Ang mga kumbung sang patyo, ang iya mga haligi, ang iya mğa sadsaran kag ang kumbung nga sa gawang sang patyo, ang iya mga lubid, ang iya mga palpal, kag ang tanan nga mga gamit nga sa pag-alagdan sang Puluy-an nga sa Layanglayang sang pakigkitaan, 41 Ang mga panapton sa pagpanghikot nga sa pag-alagdan sa balaan nga Puluy-an, ang mga panapton nga balaan nga kay Aaron nga saserdote, kag ang mga panapton sang iya mga anak, nga sa pagpanghikot sang pagkasaserdote. 42 Sono sa tanan nga ginsogo ni lehoba kay Moises, ginhimo sing subung sini sang mga inanak ni Israel ang tanan nga pag-alagdan. 43 Kag nakita ni Moises ang tanan nga nabuhat, kag yari karon, nga nahuman nila sia sono sang ginsogo ni Iehoba: ginhimo nila sia sing subung sini. Kag ginpakamaayo sila ni Moises.
2 "Sa nahauna nga adlaw sang nahauna nga bulan pagapatindugon mo ang Puluy-an sang Layanglayang sang pakigkitaan. 3 Kag pagaibutang mo sa iya ang kaban sang pagpamatuud, kag pagapalipdan mo ang kaban sang kumbung. 4 Kag pagaipasulúd mo ang latok, kag pagapangatadataron mo ang mga butang nga nahanungud sa iya; pagaipapasulúd mo man ang sadngan, kag pagapaipahamtang mo ang iya mga lamprahan. 5 Kag pagaibutang mo ang halaran nga bulawn nga sa insienso sa atubangan sang kaban sang pagpamatuud, kag pagabutangan mo sing kumbung sa salamputan sang Puluy-an. 6 Kag pagaibutang mo ang halaran sang halad nga sinunog sa atubangan sang salamputan sang Puluy-an sang Layanglayang sang pakigkitaan. 7 Kag pagaibutang mo ang batiya sa |
tunga sang Layanglayang sang pakigkitaan kag sang halaran, kag sa iya pagabutangan mo sing tubig.
8 Kag pagaibutang mo ang patyo sa palibot, kag pagaibitay mo ang kumbung sa gawang sang patyo. 9 Kag magakuha ka sing lana nga ihalaplas, kag pagahaplason mo ang Puluy-an kag ang tanan nga yara sa iya, kag pagapakabalaanon mo sia upud ang tanan niya nga mga galamiton; kag manginbalaan sia. 10 Pagahaplason mo man ang halaran sang halad nga sinunog kag ang tanan niya nga mga gamit; kag pagapakabalaanon mo ang halaran; kag manginisa sia ka halaran nga balaan gid. 11 Subung man pagahaplason mo ang batiya kag ang iya tulungtungan, kag pagapakabalaanon mo sia. 12 Kag pagapapalapiton mo si Aaron kag ang iya mga anak nga lalaki sa salamputan sang Layanglayang sang pakigkitaan, kag pagahunawan mo sila sing tubig. 13 Kag pagapanaputan mo si Aaron sang mga panapton nga mga balaan, kag pagahaplason mo sia, kag pagapakabalaanon mo sia, agud nga magpanghikot sia sang pakasaserdote sa atubangan nakon. 14 Kag papalapiton mo ang iya mğa anak nga lalaki kag pagapanaputan mo sila sing mga bayô nga malaba gid. 15 Kag pagahidhiran mo sila, subung sang paghidhid mo sa ila amay, agud nga magpalanghikot sila sang pagkasaserdote sa atubangan nakon; kag ang ila hidhid manginwalaykatapusan nga pagkasaserdote nila sa ila mga kaliwatan." 16 Kag ini ginihimo ni Moises: sono sang tanan nga ginsogo sa iya ni Iehoba, ini amo ang iya ginhimo. 17 Busa, nahanabu, sang nahauna nga adlaw sang bulan nga nahauna, sa ikaduha ka tuig, nga ang Puluy-an napatindug. 18 Kag si Moises nagpatindug sang Puluy-an, kag pinahamtang niya ang iya mğa sadsaran, kag binutang niya ang iya mga tapi, kag binutang niya ang iya mğa alughug, kag ginbangon niya ang iya mga haligi. 19 Kag hinumlad niya ang Layanglayang sa ibabaw sang Puluy-an, kag binutang niya ang tabon sang layanglayang |
125
