| 9 Kag ang mga karubin nagahulumlad
sang mga pakpak nayon sa ibabaw, nga ginatabunan sang ila mga pakpak ang pakilooyan, kag ang ila mga nawung nagaatubangay: ang nawung sang mga kerubin nagaatubang nayon sa pikilooyan. 10 Ginhimo niya ang latok sa kahoy nga akasia: ang kalabaon niya, duha ka maniko, ang iya kasangkaron isa ka maniko, kag isa ka maniko kag tungà ang iya kataason. 11 Kag ginhalupan niya sia sang bulawan nga ulay, kag ginhimoan niya sia sing isa ka purungpurung nga bulawan sa palibot. 12 Ginhimoan man niya sing isa ka bibig sa kasangkad nga isa ka dapal, sa palibot, kag ginhimoan niya sia sa bibig sing isa ka purungpurung, sa palibot. 13 Kag nagtunaw sia nga sa iya sing apat ka singsing nga bulawan kag ginbutang niya ang mga singsing nga bulawan sa apat ka pamusud nga natungdan sa iya apat ka tiil. 14 Ang mga singsing yara sa malapit sa bibig, nga pagasuksukan sang mga yayongan sa pagdalá sang latok. 15 Ginhimo man niya sa kahoy nga akasia ang mga yayongan sa pagdalá sang latok, kag ginhalupan niya sila sang bulawan. 16 Ginhimo man niya sa bulawan nga ulay ang mga gamit nga pagaibutang sa ibabaw sang latok, ang iya mğa lahang, ang iya mga luwag, ang iya mga yahong, kag ang iya mga saro, nga sa ila ginaula ang halad nga ilimnon. 17 Ginhimo man niya ang sadngan sa bulawan nga ulay; ginhimo niya ang sadngan sa bulawan nga pina-pa: ang iya tiil, ang ipa púnô, ang iya mğa gopok, ang iya mğa bitogbitog, ang iya mga bulak, nanginbilog sila sa iya gid. 18 Naggowa sa iya mga kilid ang anum ka sanga: tatlo ka sanga sang sadnğan sa isa ka kilid niya, kag tatlo ka sanga sang sadngan sa pihak nga kilid niya. 19 Ginhimo niya ang tatlo ka gopok sa dagway sang almendras, isa ka bitogbitog kag isa ka bukad sa isa ka sanga, kag tatlo ka gopok sa dagway_sang alemdras, isa ka bitogbitog kag isa ka bukad sa pihak nga sanga; sa amo man |
nga bagay sa anum ka sanga nga nagagulowa sa sadngan.
20 Apang sa sadngan gid may apat ka gopok sa dagway sang almendras, ang iya mga bitogbitog kag ang iya mga bukad. 21 May isa ka bitogbitog sa idalum sang duha ka sanga nga nagagulowa sa iya, kag isa ka bitogbitog sa idalum sang iban nga duha ka sanga nga nagagulowa sa iya, kag isa ka bitogbitog sang iban nga duha ka sanga nga nagagulowa sa iya, nga sa anum ka sanga, nga nagagulowa sa sadngan. 22 Ang iya mga bitogbitog kag ang iya mga sanga naggilikan sa iya gid, kag nanginbilog sila sa isa ka bilog, buhat nga pina-pa sa bulawan nga ulay. 23 Kag naghimo sia sing pito ka lamprahan kag sang iya mga inugsugi, kag sang iya mga alagbunan sa bulawan nga ulay. 24 Sa isa ka talanton nga bulawan nga ulay ginhimo niya ini patí ang tanan niya nga mga gamit. 25 Ginhimo man niya sa kahoy nga akasia ang halaran sang insienso: ang iya kalabaon, isa ka maniko, kag isa ka maniko ang iya kasangkaron, nga kasilo sia; kag duha ka maiko ang iya kataason: naggilikan sa iya gid ang iya mga sungay. 26 Ginhalupan niya ini sang bulawan nga ulay, ang iya kadaygan subung man ang iya mga kilid, sa palibot, kag ang mga sungay; ginhimoan man niya sing isa ka purungpurung nga bulawan sa palibot. 27 Kag ginhimoan niya sing duha ka singsing nga bulawan sa idalum sang purungpurung, sa iya duha ka paniusud, sa duha niya ka kilid, nga pagasuksukan sang mga yayongan, sa pagdala sini upud sa ila. 28 Naghimo sia sang mga yayongan nga kahoy nga akasia, kag ginhalupan niya sila sang bulawan. 29 Naghimo man sia sang lana nga balaan nga ihilidhid, kag sang ulay nga insienso nga mahamut, sono sang padugi sang manugpahamut.
|
121
