| yayongan, kag sang iya mga gamit, kag
sang tinapay nga hayag, 14 Sang sadngan nga sa suga, kag sang iya mga gamit, sang iya mga lamprahan, kag sang lana sa suga, 15 Sang halaran, sang insienso, kag sang iya mğa yayongan, kag sang lana nga ihalaplas, kag sang insienso nga mahamut, kag sang tabon sang gawang, nga sa salamputan san Puluyan, 16 Sang halaran sang halad nga sinunog kag sang iya ginihaan nga tumbaga, sang iya mğa yayongan kag sang tanan niya nga mga gamit, sang batiya sang iya tulungtungan, 17 Sang mga kumbung sang patyo, sang iya mga haligi kag sang iya mga sadsaran, kag sang tabon sang gawang sang patyo, 18 Sang mga palpal sang Puluy-an, kag sang mga palpal sang patyo, kag sang iya mga lubid, 19 Sang mga panapton sang pag-alagdan nga sa paghikot sa balaan nga Puluy-an, nga mga balaan nga panapton nga kay Aaron, nga saserdote, kag sang mga panapton sang iya mga anak nga sa paghikot sang pagkasaserdote." 20 Niyan ang bug-os nga katilingban sang mga inanak ni Israel naghalín sa atubangan ni Moises. 21 Ang tanan nga tawo nga ginatulud sia sang iya tagiposoon, kag yadtong tanan nga may kaalwan sa iya espiritu, nag-alabut kag nagdalalá sang halad kay Iehoba, nga sa buluhaton sang Layang-layang sang pakigkitaan kag nga sa tanan niya nga pag-alagdan, kag nga sa tanan nga mga balaan nga panapton. 22 Kag nag-alabut ang mga lalaki kag ang mga babae; ang tanantanan nga may kaalwan sa tagiposoon nagdalalá sila sing mga sibit, sing mga singsing sa dulungan, sing mga singsing sa tudlo, sing mga gulonggulong, ang tanan mga huyas nga bulawan; kag ang tanan nga tawo nga nagahabog sing halad nga húinabag nga bulawan kay Iehoba, 23 Kag ang tanan nga tawo nga may purpura, eskarlata, karmesi, lino nga manipis, mga bulbul sang kanding, kag mga panit sang karnero nga linugum sang mapula, kag mga panit sang tahas, gindalá sila nila. 24 Ang tanan nga makasarang paghatag sing pilak kag tumbaga, nagdalá |
sang halad nga hinabog kay Iehoba, kag
ang tanan nga tawo nga may mga kahoy nga akasia nga sa tanan nga buluhaton sang pag-alagdan, nagdalá sa ila. 25 Kag ang tanan man nga babae nga manginalamon nagbúlong sa ila mğa kamut, kag nagdalá sang ginbúlong niya nga purpura, eskarlata, karmesi kag lino nga manipis. 26 Ang tanan man nga babae, nga ginatulud sila sang ila tagiposoon, nagbulúlong sang mga bulbul sang kanding. 27 Ang mga dunganon man nagdalalá sing mga bató nga oniks, kag mga bató nga inugtalampok nga sa epod kag nga sa hapin sa dughan, 28 Mga pahamut kag lana nga sa suga, kag nga sa lana nga ihalaplas, kag nga sa insienso nga mahamut. 29 Kag nagdalalá ang mga inanak ni Israel sing isa ka halad nga kinabubuton kay Iehoba: ang tanan nga lalaki kag ang tanan nga babae, nga gintulud sang iya tagiposoon, nga magdalá sing diyot nga sa tanan nga buluhaton, nga ginsogo ni Iehoba nga paghimoon ni Moises. 30 Kag si Moises nagsiling sa mga inanak ni Israel: "Tan-awa-ninyo, nga si Iehoba naghingalan kay Besalel, anak ni Uri, anak ni Hur, sa kabikahan ni Iuda, 31 Kag ginpunô niya sia sang Espiritu sang Dios, sang kaalam, sang ihibalo kag sang kinaadman, nga sa tanan nga bagay nga buluhaton: 32 Sa pagpadugi sing mga mauti nġa buhat kag sa paghimo sa ila sa bulawan, sa pílak kag sa tumbaga; 33 Kag sa pagbasbas sing mga bató nga talampokan, kag sa pagtigib sing mga kahoy, kag sa paghimo sang tanan nga buluhaton nga mauti. 34 Kag ginbutang niya sa iya tagiposoon ang pagkatakus sa pagtudlo; subung man kay Oholiab, anak ni Ahisamak, sa kabikahan ni Dan. 35 Ginpunô niya sila sing pagkasampaton sa tagiposoon, sa paghimo sang tanan nga buluhatan sa pagkamanugtigib, kag sa pagkamanugpadugi, kag sa pagkamanugborda sa purpura, sa eskarlata, sa karmesi kag sa lino nga manipis, kag sa pagkamanughabol, sa paghimo sang tanan nga bagay nga buluhaton kag sa padugi nga mautihon. |
118
