| pagahimoon mo, indi kamo maghilimo
sing iban sa amo man nga mga timbang nga sa imo: manginbutang nga balaan ini nga sa imo kay Iehoba. 38 Bisan sin-o nga maghimo sang isa nga kaangay, sa pagsinghot sa iya, pagautdon sia sa tunga sang iya mga banwa."
2 "Tuluka, nga gintawag ko sa iya ngalan si Besalel, anak ni Uri, anak ni Hur sa kabikahan ni Iuda; 3 Kag ginpunô ko sia sang Espiritu sang Dios, sa kaalam, sa ihibalo, sa kinaadman kag sa tanan nga buluhaton sa pudugi; 4 Nga sa pagtugi sing mga huwaran, sa pagbuhat sa bulawan, sa pílak kag sa tumbaga; 5 Kag nga sa pagtigib sing mga bató nga talampukan, kag nga sa pagtigib sing mga kahoy, kag nga sa pagbuhat sang bisan ano nga mga buluhaton. 6 Kag yari karon, ginbutang ko upud sa iya si Oholiab, anak ni Ahisamak, sa kaliwatan ni Dan: kag ginbutangan ko sing kaalam sa tagiposoon sang tanan nga manginalamon sa tagiposoon, agud nga maghimo sila sang tanan nga ginsogo ko sa imo, 7 Nga amo ang Layanglayang sang pakigkitaan, ang kaban sang pagpamatuud, ang pakilooyan nga didto sa ibabaw niya, kag ang tanan nga mga gamit sang Layanglayang: 8 Ang latok patí ang iya mga gamit, kag ang sadngan nga bus-ug kag ang tanan niya nga mga gamit, kag ang halaran sang insienso, 9 Kag ang halaran sang halad nga sinunog patí ang tanan niya nga mga gamit, kag ang batiya kag ang iya tulungtungan, 10 Kag ang mga panapton sang pag-alagdan, kag ang mga balaan nga panapton nga kay Aaron nga saserdote, kag ang mga panapton sang iya mga anak, agud nga magpanghikot sila sang pagkasaserdote, II Kag ang lana nga ihilidhid, ang insienso nga mahamut nga sa balaan nga Puluy-an; pagahimoon nila sono sang ginsogo ko sa imo." |
Ang handumanan sang Sabado.
12 Naghambal man si Iehoba kay Moises, nga nagasiling: 13 "Kag ikaw magahambal sa mga inanak ni Israel, nga nagasiling: Sa walay balibad pagabantayan ninyo ang akon mga sabado: kay tandaan ini sa tungâ naton sa inyo mga kaliwatan, agud nga mahibaloan ninyo, nga ako amo si Iehoba nga nagpakabalaan sa inyo. 14 Busa, pagabantayan ninyo ang sabado, kay balaan sia sa inyo: ang magpasipala sini, sa pagkamatuud, pagapatyon sia; kay bisan sin-o nga magpadibalaan sa iya, yadto nga kalág pagautdon sa tungà sang iya mga banwa. 15 Sa anum ka adlaw pagahimoon ang buluhaton, apang ang adlaw nga ikapito among sabado, nga balaan nga pagpahuway kay Iehoba; bisan sin-o nga magpangabudlay sa adlaw sang sabado, mamatay, sa pagkamatuud. 16 Ngani pagabantayan sang mga inanak ni Israel ang sabado, nga pagatumanon ini, sa ila mga kaliwatan sa katipan nga dayon: 17 Mangintandaan ini sa gihapon sa tungâ nakon kag sang mga inanak ni Israel; kay sa anum ka adlaw ginhimo ni Iehoba ang kalangitan kag ang duta, kag sa ikapito ka adlaw naguntat kag nagpahuway sia." 18 Kag sa pagkatapus sa paghambal sa iya sa bukid sa Sinai, ginhatag niya kay Moises ang duha ka tapi sang pagpamatuud, mga tapi nga bató nga napanulatan sang tudlo sang Dios. </enter>Ang pagsimba sa bulawan nga tinday sang baka.
2 Kag si Aaron nagsiling sa ila: "Palusa-ninyo ang mga aritos, nga yara sa mga dulungan sang inyo mga asawa, kag sa inyo mga anak nga lalaki, kag sa inyo mga anak nga babae, kag dalhaninyo sila sa akon. |
112
