| duha ka singsing, sa mga ukbong sang
hapin sa dughan. 25 Kag pagaisulud mo ang duha pa ka ukbong sang duha ka tinolo sa ibabaw sang duha ka mga kamoy, kag pagaibutang mo sila sa mga hombrera sang epod, nayon sa atubangan. 26 Kag magahimo ka sing duha pa ka singsing nga bulawan, kag pagaibutang mo sila sa duha ka ukbong sang hapin sa dughan, sa sidsid nga yara sa atubang sang epod nayon sa sulúd. 27 Kag magahimo ka man sing duha ka singsing nga bulawan, kag pagaibutang mo sila sa ibabaw sang duha ka hombrera sang epod, nayon sa idalum sa bahin nga sa atubangan nila, malapit sa ila alangtan, sa ibabaw sang lubid nga linubid sing mauti gid sang epod. 28 Kag a g hapin sa dughan pagaihigot tungud sa iya mga singsing, sa mga singsing sang epod, sa isa ka lubid nga purpura, agud nga didto sia sa ibabaw sang lubid nga linubid sing mauti gid sang epod, kag nga indi magbulag ang hapin sa dughan sa epod. 29 Sa sini pagadalhon ni Aaron ang mga ngalan sang mga anak ni Israel sa hapin sa dughan sa paghukom, sa ibabaw sang iya tagiposoon, sa gihapon nga magasulud sia sa balaan nga Puluyan, subung nga handumanan sa atubangan ni Iehoba sa gihapon. 30 Kag pagaibutang mo sa sulúd sang hapin sa dughan sa paghukom ang Urim kag ang Tumim,* kag didto sila sa ibabaw sang tagiposoon ni Aaron, kon magasulud sia sa atubangan ni Iehoba; kag pagadalhon ni Aaron ang hapin sa dughan sa paghukom sa mga inanak ni Israel sa ibabaw sang iya tagiposoon sa atubangan ni Iehoba sa gihapon. 31 Kag magahimo ka sang malaba laba nga bayo sang epod nga bug-os purpura. 32 Kag may isa ka liong nga sa olo sa tungâ niya, kag ang liong may isa ka bibig sa palibot niya nga buhat sang manughabol, kaangay sang liong sang limbutong nga hinimbis, agud nga indi magisi. 33 Kag magahimo ka sa sidsid sing mga granada nga purpura, nga eskarlata kag nga karmesi sa iya mga sidsid sa
mga kahimpitan. |
palibot, kag sa tungâ nila sing mga
kampanilya nga bulawan, sa palibot: 34 Isa ka kampanilya nga bulawan kag isa ka granada, isa pa kampanilya nga bulawan kag isa pa ka granda sa sidsid nga naidalum sang bayô nga malabalaba, sa palibot. 35 Kag pagasukluban sini si Aaron sa pagpanghikot, kag mabatian ang halungkagay, kon magsulúd sia sa sulúd sang balaan nga Puluy-an sa atubangan ni Iehoba, kag kon maggawa sia, agud nga indi sia mamatay. 36 Kag magahimo ka sing isa ka diadema nga bulawan nga ulay, kag pagaisulat mo sa iya, subung sang mga tinigban sang itulumbok: Pagkabalaan. kay Iehoba. 37 Kag pagaibutang mo sia sa isa ka haloghog nga purpura, kag didto sia sa ibabaw sang turbante; didto sia sa atubangan sang turbante. 38 Didto sia sa ibabaw sang agtang ni Aaron, kag si Aaron magadalá sang kalautan sang mga butang nga balaan, nga pagpakabalaanon sang mga inanak ni Israel, sa tanan nila nga mga halad nga balaan; kag didto sia sa ibabaw sang iya agtang sa gihapon, agud manginkalahamut-an sila sa atubangan ni Iehoba. 39 Kag magapuna ka sang bayô nga pinuna nga malaba gid nga kinasilo nga lino nga manipis; magahimo ka man sang turbante nga lino nga manipis, kag pagahimoon mo ang wagkus sa buhat sang manugborda. 40 Kag nga sa mga anak ni Aaron magahimo ka sing mga bayô nga pinuna; pagahimoan mo man sila sing mga wagkus; kag magahimo ka nga sa ila sing mga goro, nga sa himaya kag nga sa puni. 41 Kag pagaipasuklub mo ining tanan nga mga butang kay Aaron nga imo útud kag sa iya mga anak; kag pagahidhiran mo sila, kag pagapun-on mo ang ila mga kamut, kag pagapakabalaanon mo sila, agud nga maghilikot sila sang pagkasaserdote sa atubangan nakon. 42 Kag magahimo ka man nga sa ila sing mga sarowal nga lino sa pagtabon sang ila kahubo; kag magalalambut sila kutub sa mga hawak tubtub sa mga balikawang. 43 Kag pagadalhon sila ni Aaron kag. |
107
