dibao pulang dibaco malam hari dibaco balambek lambek tampak surek di dalamnyo alamat surek ka awak tasirok darah di dado apo bunyi dalam surek pdibukak surek dilipat dibaco dalam hati
Tabang balam tabang malinteh
hinggok di kayu jati
dipikek sadang bajalan
manari kalam jo karateh
manamui adiak cinto hati
kok lai kasiah batimbalan
Pai ka pulau Karimato
salasiah badahan tidak
ambiak pisau tikamlah dado
namun kasiah tatahan tidak
Ayam kuriak rambayan taduang
ikua bajelo dalam padi
ambiak tampuruang bari makan
dalam daerah tujuah kampung
adiak surang tampek hati
nan lain diharamkan
Pai ka lubuak ka Gatangan
mambao timbo pacah balah
usah batapuak sabalah tangan
bagai pisau tajam sabalah
Salasiah batimba jalan
tampak nan dari kampuang jati
lai kasiah batimbalan
baleh surek ambo nanti
Kok hujan hujan kan bana
buliah bakain tarok
kok jan jankan bana
usah kami manti orok
