kanduang sibiran tulang- ubek jariah pararai damam - sidingin tampa di kapalo - anak manjo dimandenyo cukuik baumua tigo tahun - pandai bamain sorang - tarambau si Nurani luko kaniang kanai batu - mamakiak mangguruang panjang - tibo mande si Nurani - dicari si Upiak Rabiatun - sadang batanak mambasuah cipia - dituruik si anak dirambahi - apo nan dapek dirambahkan - mamberang si Upiak Pakan - anak cilako batuntungan nyato Nurani di mukonyo - jatuah tatungkuik tibo di batu - diliyek sajo anak jatuah - indak amuah inyo manjagokan - tidak tahu diuntuang kau - hiduik manompang jo kami - kali pusaro ibu bapak kau - turuikkan ka dalam kubua - kan iyo si Rabiatun - marasai kanai panggado badarah kapalo jo lutuik - tidak tatangih tangihkan lai - ditahan sajo kanai rotan - nak lakeh mati kanai tangan pado hiduik marasai - hiduik apo gunonyo - hiduik manjadi budak urang - kan iyo katiko itu - lalu kawan samo sikolah -sakalas jo Rabiatun - tidak taliek kanai tangan - dipungkang si Upiak Pakan - tibo batu di kapalonyo - badarah tibo dikaniang - babega alam tampek tagak - dikaja anak lari capek - hilang di mato si Upiak - bakato mande Nurani - kapado si Upiak Rabiatun - tarangkan dikau jaleh - siapo nan mamungkang - anak cilako kurang aja mandanga kato si Upiak Pakan - tidak suko manunjuakkaninyo tahu bahaso urang itu kawan sikola jo mangaji - manjawab si Rabiatun - katonyo sadang manangih - indak tahu hambo indak tahu ambo - ambo indak maliek katonyo sadang manangih - mujua Jamaran manolong - indak taliek kanai tangan - dibaenyo jo batu gadang - tapek tibo tantang muko - taduduak mande Nurani - kan iyo bini si Marah - mangadu pado polisi - inyo dipungkang anak ketek - luko kaniang badarah - bakato polisi - manyuruah kaumah sakik.
Ditanyo si Rabiatun ado tahu nan mambae siapo namo anak itu - katonyo mantari polisi - manjawab si Rabiatun - di mapulo ambo tahu - manangih manahan sakik - ambo ditangani mande tirih - bakato mantari polisi - iko jinih anak ketek buliah ka babu budak kau kini kau tangani anak iko - ti-
