SITI RABIATUN
Si Upiak Siti Rabiatun
kaduo bujang Jamaran
Takarang kaba jo pantun
untuak menjadi pelajaran
pado gadih bujang kini
Gadang aia Sungai landai
tarandam batang puluik puluik
bukan ambo cadiak pandai
ganti panggoyang-goyang muluik
Limo koto jo Saruaso
galah mintak disandakan
ado kato kurang maraso
hambo usah digalakkan
Nyanyi talereng jadi kaba-kaba carito Rabiatun, dalam kampuang Pincuran Tinggi, anak si Sanah urang tanjuang, kiro-kiro umua satahun, mati bapaknyo Rajo Mangkuto - urang Subarang Koto Tangah — mati mudo bapak kanduang — tigo hari lamo sakik - muntah-mutah darah kalua — paruik mamilin-milin — mati tamakan ramuan kumuah *dibari urang, utang banyak nan berang — bakato tidak sumanih — urang dipandang budak urang — hati tinggi malangik — suko manggaduah bini urang — urang bujang rambang mato — urang takuik malawan — manjadi upeh angku palo, takalo batenju jo si Saman — karano anak sakik payah - anak si Saman sakik payah — malaruik bana panyakiknyo - pai si Saman mancari ubek — anak tingga jo mandehnyo — anaknyo dalam pansan-pansan.
Bajalan si Saman mancari ubek batamu Rajo Mangkuto - dipaso jo kareh — manamui angku palo — wang rodi balun babayia — paralu awaang ka kantua — kantua ngku palo — bakato
63
