V
RAJO HARUN AL RASID
Habih hari baganti hari — habih pakan baganti pakan — ado sapakan duo pakan — cukuik sabulan duo bulan — lah tigo bulan lamonyo — sajak si Hasan jadi rajo — rajo sahari di ustano — mahukum urang nan basalah — sampai manjadi urang gilo — batuka aka senewen mamuah malacuik mande kanduang — lorong kapado rajo Bagdad — Sultan Harun Al Rasid — tidak tahu damikian —disangko si Hasan indak baa — indak sampai mangarano — garah garah jadi tingkah — sampai gilo anak urang marasai badan kanai rotan —.
Lorong kapado tuanku rajo mufakat bajalan jalan — maintai laku Abu Hasan — dipakai pakaian caro magribi — saudagar urang magribi — baduo mantari Gafur — mantari nan lain jauah jauah — manyamar bagai hambo rakyat — sorang indak urang tahu — bahaso rajonyo bajalan masuak pasa ka lua pasa — masuak lorong ka lua lorong — tibo di gang Abu Hasan — kan iyo bujang Abu Hasan — sadang duduak di barando — mukasuik manjamu urang dagang — malick kalabuah gadang mancaliak urang lalu linteh — tampak urang baduo jauah jauah mambari salam — salam dijawek Abu Hasan — dibawo duduak ka rumah — ditiek ditantang bana - kironyo urang dahulu nan — manyihia si Abu Hasan jadi rajo - bakato bujang Abu Hasan — sangko ambo urang dagang — urang jauah datang ka mair — itu sabab
ambo jamu — kironyo tuan tukang sihia — takana dituan maso dahulu — maso tuan ka mari tigo bulan antaronyo — hambo jamu putiah hati — manjamu karano Allah — kito samo urang Mustim — guno hambo nan bajak tuan baleh jo buruak — susu babaleh jo tubo — elok babaleh jo buruak — laku apo laku tuan — parangai apo parangai tuan urang elok awak buruak — kini kalualah tuan — turun tuan nan baduo — banci ambo maliek — tukang sihia nan cilako — katonyo Abu Hasan — sirah muko kabangihan -- ditulak rajo kalua. Mandanga kato damikian rajo indak cameh bana -- bakato muluik manih — mano rang
