manggaleh — kudian kato soal nagari Kalau dipandang rajo kami — rajo Sultan Harun Rasid — baparam sajo si ustano —tidak maliek nasib rakyat — antah makan antah tidak — banyak bajudi manyabuang — banyak maliang mancuri — disarahkan nagari kadubalang — pacayo sajo pado polisi — takuik polisi di muko rajo — bukan murah jadi rajo — banyak tangguang jawabnyo — ditanyo di muko Tuhan — kalau pandai mamarintah — dibao rakyat kanan elok — dalam surgo kadiamnyo — kalau hambo jadi rajo dipakai pakaian usang-usang — ditiru pakaian urang banyak — bajalan masuak kampung — urang indak manyangko rajo — pandai mambungkuak indak tampak — mambuwua indak mambuku — dilawan batutua hambo rakyat — dapek rahasio karajonyo — nan bungkuak ma makan saruang — mandu kua makanan katam — katonyo Abu Hasan — mandanga kato damikian sanang hati rajo Bagdad.
Manjawab rajo Harun Rasyid — manuruik pikiran hati ambo — rakyat di siko, urang baiak - tidak ado nan jahek — katonyo rajo mamanciang-manciang — mamanciang hati Abu Hasan — pandai rajo mangaik-mangaik galah jo kaki — mandanga kato damikian manjawab Abu Hasan — diliek sapinteh lalu tampak elok urang di siko — hambo nangko rakyat rajo — anak nagari Bagdad — mancubo pahik manih — sakik sanang adi rakyat kalau ambo jadi rajo — manjadi rajo agak sahari — banyak panghulu tahukum — banyak urang hambo usia — mangacau dalam nagari — nyato inyo urang dagang — suko mancucuik darah misikin — babuek riba ka hambo rakyat — hutang sapuluah jadi saratuih — laku iblis dibuek — labiah labiah rang Yahudi — indak tantu halal haram — patuik inyo kayo kayo — paluah rakyat dicucuik — bukan sajo urang Yahudi — panghulu-panghulu kapalo kampuang — cotok ateh makan bataduah — siligi baliak batimba — indak ujuang pangka manganai — mamapeh dalam balango — gaji dapek dari rajo rakyat disuruah baiyuran — paga makan tanaman — kalau hambo jadi rajo — dapek mahukum agak sahari — disapu barasiah nan jahek — dihukum urang nan basalah — katonyo Abu Hasan, Sadang bakato kato panjang kan iyo Abd. Gafar — wazir Sultan Harun Alrasyid
