nagari Bagdad — rajo tanamo ka mano-mano — tabilang kian kumari — adil pandai mamarintah — tak ado rajo saadilnyo — mahukum usua pareso — adokan sasi tando beti — kalau tarang basalah — aturan pancuang dipancuangnyo — aturan buang dibuang — di mato tidak dipiciangkan — diparuik indak dikampihkan — sano tangah pagang taraju — nagari aman padi manjadi — rakyat sanang santoso — tidak ado maliang curi-paibo di urang dagang — panyantun ka urang miskin — rajo pamurah basidakah — kuek baragiah karang mularaik — kasayangan rakyat nan banyak rakyat sanang samonyo — sorang tidak nan berang — rajo adil rajo di sambah — kalau diliek karajonyo — tak ado rajo sakayonyo — mahligai tinggi tujuah tingkek — ustano gadang baukia-ukia — tonggak ustano batu pualam — mancayo ustano dalam ayia — ustano di tapi talago biru — halaman laweh bakabun bungo — kabun bapaga tarali basi — tiok pintu ado panjago. Kan iyo Harun Al-rasyid — bakato ka wazir manti tuo — manolah wazir sagiro baja- lan - kito bajalan patang hari dikanakan pakaian — baju kuruang balang hitam ~ pakai jubah suto putiah — baitu juo manti tuo — mamakai pakaian sudaga — saudaga Mousol caro musafir — manyamar jadi rakyat — sorang tidak nan tahu baso rajo Harun Alrasyid - sarato wazir Abdul Gafar — pandai manyamar baduo nyo — tatapi sungguah damikian - karano rajo bajalan — manya- mar masuak kampuang — urang mahiriang jauah — dubalang basa basa - mamakai pakaian buruak-buruak — sarupo urang mintak sadakah -- kan iyo Tuanku Rajo — bajalan baduo-baduo — masuak lorong ka lua lorong — masuak pasa kalua pasa — tibo di halaman Abu flasan ~ rakyat Tuanku Harun Alrasyid — mambari salam Abu Hasan - kapado urang nan baduo -- dilick pakaian kaduonyo - bagai saudagar dari Mousol bakato Abu Hasan mano tuan nan baduo — sagiro masuak ka rumah — mukasuik sangajo dalam hati - manjamu tuan sudagar-mandanga kato Abu Hasan — dilick dipandang urang mudo ~ anak bujang elok laku — tampak muko nan janiah indak inyo urang jahek — rupo rancak putiah kuniang — tinggi tidak randah tidak — tampan urang baiak-balak - urang cadiak cando kio - mambayang cadiak ka muko — manjawab Abdul Gafar - kalau baitu kato rang mudo — tume-
