Page:Hikayat Puti Zaitun.pdf/20

I

MENJAMU MUSYAFIR MOUSOL

Alai alai tabang ka alai
tabanglah pipik duo tigo
inggok karanțiang kayu rimbun
tampak nan dari kampuang jati
       kabalah lamo tabangkalai
       kini diulang ulang pulo
       carito Puti Zaitun
       guno parintang rintang hati.
Banda urang dibandakan
ayia mailia ka subarang
galah mintak disandakan
       kaba urang dikabakan
       antah balabiah antah kurang
       hambo usah digalakkan
Antah sapek antah kawa
galah talatak didama
       antah sasek antah gawa
       asak di tuan ka nan bana

Kaba carito rang dahulu - dalam hikayat urang Parsi - hikayat saribu satu malam - kaganti suri jo tuladan - guno parintang rintang hati -Tatakalo mulo-mulonyo - tatakalo maso itu - ado saurang Rajo Basa - rajo usali sunduik basunduik - bukan rajo dang babali - tidak rajo dang mamintak - samo tajadi jo alamko - banamo rajo Harun Alrasyid. Parmaisuri Puti Zubaidah - anak rajo dari Mesir - asa rajo turun karajo - asa puti turun kaputi - lorong kapado Harun Alrasyid - mangkuto alam