KHONO TJOE SABAGl DJOEROE SLAMET.
pimpin manoesia ka djoeroesan jang bener. Koelika masih pangkoe djabatan inspecteur pertanian, Khong Tjoe tentoe sadja tida perna berdaja aken bikin padet sakoenja, dan dari sebab ia memang miskin, bisa dimengarti jang penghidoepannja ada djaoe dari tjoekoep. Pentjariannja jang sekarang, sabagi goeroe, poen tida membri hatsil besar, kerna maski tida tampik toendjangan jang di briken oleh moeridmoeridnja, tapi blon perna tolak pada orang miskin jang tida koeat mengasih apa-apa. Sabaliknja, Khong Tjoe ada pegang atoeran keras dalem hal memilih moerid. „Kapan akoe soedah loekisken doedoeknja hal dari satoe endjoeroe, ia berkata, „dan itoe moerid tida bisa mengarti sendiri sifainja itoe tiga pendjoeroe jang iaën, akoe tida oelangken lagi itoe peladjaran padanja."
Khong Tjoe poenja moerid-moerid boekan anakanak ketjil jang hendak beladjar soerat, hanja semoea ada orang-orang dewasa, kabanjakan anak-anak moeda dari segala deradjat, jang dateng padanja boeatminta diadjarin bagimana moesti berlakoe bener dalem penghidoepan dan pamerentahan negri. Khong Tjoe tida maoe trima orang jang tida kasih liat kagoembirahan dan kagiatan aken beladjar, atawa orang jang ternjata ada terlaloe bodo boeat mengarti peladjarannja, dan ini tida oesah diboeat heran kaloe menginget moeridnja ada banjak, hingga pastilah ia tida bisa sia-siaken tempo aken ladenin segala orang gêndêng dan berotak oedang jang minta „diadjarin" ini atawa itoe, tapi tida poenja nafsoe kagiatan sendiri aken pikirken apa jang diadjar. Dan Khong Tjoe boekan tjoemah mengadjar, hanja ia sendiri poen beladjar teroes boeat fahamken kitab-kitab koeno dan oesoet maksoed-maksoednja boeat disiarkan lebih djaoe, hingga bisa dimengarti jang ia boekan saorang jang sempet.
21
