HIKAJAT KHONG HOE TJOE.
jang merobah adat kabiasa'an koeno, telah teradoek mendjadi satoe.
Koetika waktoe berkaboeng telah liwat dan ia boleh toentoet poelah penghidoepan satjara biasa, Khong Tjoe menoenggoe sampe liwat lagi lima hari pada sablonnja maenken iapoenja pekakas muziek jang dinamaken (samatjem Ketjapi) jang me mang ia soeka sekalih boenjiken. Ini menoendjoekken dalem segala hal Khong Tjoe perhatiken kaberesan dan kapantesan. ia tida maoe lantes rabah itoe Kiem sablonnja liwat lima hari sadari abisnja tempo berkaboeng, kerna tiada pantes aken lantes oendjoek kagoembirahan terboeroe-boeroe. Dan sikepnja Khong Tjoe dalem ini hal boekan tjoemah soepaja djangan ditjelah orang, hanja dengen sasoenggoenja maski tempo berkaboeng soedah abis, hatinja masih menanggoeng doeka. Koetika ia tjoba menjanji seperli biasanja waktoe maenken itoe Kiem, soearanja te lah gagal kerna tertjegah oleh kasedihan.
Dengen bikin goendoekan tanah tinggi di koeboeran iboenja, boekan Khong Tjoe sengadja hendak adaken atoeran baroe jang berlaenan dari kabiasa'an koeno, hanja kerna ia ada mempoenjai kapentingan boeat bikin itoe koeboeran berbeda dari biasa. Pada moerid-moeridnja ia bri taoe bahoea ia bakal liwatken penghidoepannja dengen bikin banjak perdjalanan ka segala pendjoeroe dari karadja'an, tida aken berdiam sadja di itoe district Tsow teroes-meneroes, maka ia wadjib oeroekin tanah jang tinggi di atas itoe koeboeran soepaja komoedian hari gampang ditjari dan dikenalin. ini katerangan menoendjoekken bahoea Khong Tjoe soedah dapetfirasat jang ia bakal lakoeken satoe pakerdja'an sepertî Oetoesan Toehan atawa Djoeroe Slamet, jang tida boleh berdiam sa dja di satoe tempat, hanja harOes mengider ka sega la pendjoeroe aken siarken itoe peladjaran boeat
20
