V.
KHONG TJOE DENGEN lAPOENJA PAKERDJA'AN SABAGI DJOEROE SLAMET.
Seperti dalem fatsal III soedah diterangken, Khong Tjoe telah pangkoe djabatan mendjadi Soekouw atawa superintendant dari oeroesan pertanian. Apa pada waktoe iboenja meninggal ia masih pangkoe itoe dja batan jang komoedian ia moesti letakken selama berkaboeng, inilah ada koerang terang, dan menoeroet katerangannja Legge, dalem oesia 22 Khong Tjoe telah moelai lakoeken pakerdja'an mendjadi goeroe dan doea taon komoedian iboenja meninggal doenia. Kaloe diinget ia menika dalem oesia 19 dan lantes pegang pakerdja'an negri jang katanja ia pangkoe boeat ampat taon lamanja, maka amat boleh djadi dalem oesia 22 Khong Tjoe soedah letakken itoe djabatan, dan dalem oesia 24, koetika iboenja meninggal, ia tida pangkoe djabatan negri, hanja mendjadi goeroe, kerna di itoe waktoe poen ia soedah mempoenjai moerid-moerid. Dalem hikajat ada ditjeritaken, sasoedah majit iboenja dikoeboer, ia poelang ka roemah de ngen sendirian, dan tinggalken moerid-moeridnja boeat oeroekin itoe koeboeran dengen tanah jang dibikin tinggi dan boender seperti koeboeran Tionghoa sekarang ini. Sampe lama itoe moerid-moerid baroe dateng menjoesoel, lantaran iaorang terhalang ol h hoedjan besar jang membikin itoe tanah oeroekan jang masih lembèk djadi goegoer kombali, hingga itoe pakerdja'an moesti dioelangken lagi sakalih. Koetika mendenger ini kabar, Khong Tjoe telah me nangis dan berkata: „Ah! pada djeman doeloe orang tida perna oeroek koeboeran dengen tanah tinggi." Khong Tjoe poenja katjinta'an pada orang toeanja,
dan tida merasa poeas pada perboeatannja sendiri
