HIKAJAT KHONO HOE TJOE.
tempo pertjoemah. Betoel ia tida pernah maen muziek atawa sport, tapi ia asah otak dan tambahken pengatahoean dengen membatja boekoe-boekoe, menimbang dan memikir soeal-soeal jang berhoeboeng dengen philosofie. Boleh dibilang itoe tempo berhoeboeng bagi Khong Tjoe ada sabagi tempo bertapa dari Buddha dan laen-laen Goeroe Besar jang pisahken diri dari pergaoelan sablonnja lakoeken pakerdja'an besar goena orang banjak, kerna sasoedahnja abis berkaboeng, Khong Tjoe poenja niatan kaliatan semingkin tetep boeat pimpin manoesia soepaja djangan menjasar, hanja mengikoetin itoe djalanan jang ia hendak oendjoek aken menganter ka pri kabedjikan. Inilah ada sebabnja maka pada sa soedah brenti berkaboeng Khong Tjoe tida maoe pegang djabatan, kerna dengen meliat kakaloetan di saäntero negri dan kamoendoerannja manoesia
dalem priboedi, ia merasa ada laen kawadjiban lebih penting jang ia haroes lakoeken.
