HIKAJAT KHONG HOE TJOE.
jang Khong Tjoe mempoenjai ; tapi ia ada dapet djoega doea anak prampoean.
Itoe poetra dibri nama Pek Gie, dan waktoe Khong Tjoe merajaken oesianja itoe baji tjoekoep satoé'boelan, oleh Baginda Tjiauw Kong dari negri Louw ia dibri hadia saekor ikan jang dinamaken ikan li-hi jang terkena! paling lezad dalem itoe karadja'an, boeat didahar di itoe pesta perdjamoean,dalem mana Baginda Tjiauw Kong sendiri poen ada toeroet berhadlir. Aken djadi peringetan boeat ini tanda kahormatan dari itoe radja hingga tida bisa kaloepa'an oleh anak-tjoetjoe di komoedian hari, Khong Tjoe tambahin nama anaknja dengen perkata'an „Li," hingga ia biasa diseboet djoega Khong Li. Ini poetra, jang meninggal lebih doeloe dari Khong Tjoe, ada djadi ajah dari Tjoe Soe (Tze-sze) jang terkenal, jang koempoel dan karang kitab Tiong long.
10
