HIKAJAT KHONG HOE TJOE.
Tentang Minister Ch‘i, jaitoe kake-mojang paling toea dari Khong Tjoe ang ada tertjatet dalem hikajat, dan idjoep 2300 taon di moeka Kristus, ada ditjeritaken begini:
Ch‘i ada saorang jang sanget djoedjoer, berboedi dan berkalakoean baek, serta telah berboeat pahala besar pada negri, lantan mana Keizer Soen telah briken padanja, sabagi gandjaran, sapotong tanah dinamaken Shang (Siang) jang terletak di provincie Honian jang sekarang ini, dimana ia boleh pegang perentah sabagi radja ketjil Dan ialah jang ada djadi Siang Tay-tjouw atawa Pendiri dari dinjaste Siang.
Ch‘i poenja anak dan tjoetjoe-boejoet teroes meneroes doedoek memerentah dalem itoe negri Shang sampe pada toeroenan katigablas, koetika di taon 1766 sabloninja Kristus di Tiongkok telah petjah pemberontakan besar melawan kakekdemannja Keizer Chieh, keizer penghabisan dari dinjaste Hsia (He) jang diberdiriken oleh Baginda Soen. Itoe Prins dari Shang, bernama Tang, atas maoenja rahajat, telah diangkat djadi kepala dari itoe pemberontakan jang telah berhatsil bagoes, dan keizer Chieh jang boros serta kedjem dan sanget dibentji oleh rahajat, telah diboeang ka Nanchao dimana ia meninggal doenia, sedeng Prins Tang oleh rahajat diangkat mendjadi keizer dengan pake titel „Berhatsil bagoes“ atawa Cheng Tang (Seng Tong), sabagi peringetan dari ia-poenja pakerdja‘an jang berhatsil aken lepasken rahajat dari tindesan.
Maski begitoe Prins Tang pangkoe itoe djabatan agoeng sabagi keizer dengan hati sangsi dan doeka, kerna koetair itapoeja perboeatan, melawan pada djoendjoenganja, di komoedian hari nanti dipandang sabagi kalakoean doerhaka. Salah satoe dari minister-ministernja komoedian madjoeken satoe pembela'an dengan bri alesan, bahoea apa jang Tang
