Jump to content

Page:Hikajat penghidoepan dan peladjarannja Nabi Khong Hoe Tjoe.pdf/17

From Wikisource
There was a problem when proofreading this page.

Penghidoepannja dan peladjarannja Nabi Khong Hoe Tjoe. Ditoetoerken dengen ringkes oleh K.T.H. (Diperlindoengi oleh Hak Pengarang).

I. KAKE MOJANGNJA KHONG HOE TJOE. Khong Tjoe poenja familie tida bisa disangsiken lagi ada jang paling toea dan paling agoeng di Tiong­- kok, dan brangkali djoega di antero doenia. Boekan sadja di antara kake mojangnja ada terdapet bebrapa keizer atawa radja jang termashoer, hanja dalem hi-kajat ada tertjatet satoe pembesar bernama Ch'i (Hokkian : Siat) jang mendjadi Minister van Onderwijs atawa Pendidikan Rahajat di bawah prentahnja Keizer Soen jang bertachta, sabagi penggantinja Keizer Giauw, pada abad ka-23 sablonnja Nabi Isa, djadi sampe sekarang toeroenannja Khong Tjoe soedah berdjalan 4300 taon lamanja. Kake mojangnja Ch'i katanja ada beratsal dari Hwang Ti (Oeij Te) jaitoe Keizer satengah dewa jang hikajatnja ada seperti dongeng dan tida kataoean dengen terang, kerna pada itoe djeman orang blon dapetken ilmoe aken menoelis soerat, dan segala ka-djadian penting tjoemah ditjatet sadja dengen boen-telan tali. Itoe sebab pamerentahan pada djeman Hwang Ti dan laen-laen keizer jang lebih doeloe lagi ada amat samar, lantaran ditoeroenken dengen moe-loet dari bapa pada anaknja, dan kabanjakan bersifat sabagi dongengan. Tapi sadari djeman Keizer-keizer Oiauw dan Soen, segala kadjadian penting ada ter­- tjatet dengen rapih, dan oleh Khong Tjoe soedah dikoempoel dan digaboeng djadi satoe, boeat mana Khong Hoe Tjoe aia seboet namanja saratoes boe-koe. Ini tjatetan hikajat dinamaken Shu King. 1