PERMOELA'AN KATA. poen sring tertampak dalem riwajat penghidoepannja laen-laen Nabi jang sringkalih ada gelap dan tida tjotjok satoe sama laen Apa jang kita toeiis disini ada hatsil dari pemahaman dan perbandingan atas isinja bebrapa boekoe dengen dipilih apa jang dirasa ada paling tjotjok. Kakliroean soedah tentoe sadja moesti terdjadi, tetapi pembatja boleh pertjaja bahoea dalem ini boekoe kita soedah tjoba briken penoetoeran sabaek-baeknja jang kita sanggoep, dengen mengimbangin sama toedjoean aken menoetoerken satjara ringkes dan saderhana soepaja gampang dimengarti. Itoe tindakan dari Pamerentah Nationaal di Tiong kok aken memoeljaken pada Nabi Khong Hoe Tjoe dan bangoenken kombali peladjarannja boeat meninggiken kabedjikan rahajat, pastilah aken mem bikin perhatian pada Khong Kauw djadi bertambah. Banjak orang jang tadinja soedah loepaken pada Khong Tjoe, sekarang mendadak djadi giat aken ambil bagian dalem karaja'an-karaja'an officieel boeat memoeljaken itoe „Nabi dari bangsa Tionghoa." Ini semoea gerakan pastilah nanti menambahken orang poenja nafsoe aken fahamken Khong Kauw, maka dengen tjitak lagi ini serie artikel mendjadi samatjem boekoe, tentang mana kita soedah dapet banjak perminta'an dari abonne-abonnenja Meestika Dharma kita harep nanti bisa membantoe, biar poen bagimana sedikit, aken bikin Nabi Khong Hoe Tjoe dan pe ladjarannja djadi lebih terkenal di Indonesia, teroetama antara golongan orang jang membatja bahasa Melajoe, dan berbareng dengen itoe bantoe djoega menam bahken lagi satoe boekoe tentang kabatinan jang dalem pembatja'an Melajoe masih serba koerang. Kita terbitken ini boekoe dengen sedia menadah tjelahan dan tjomelan dari fihak pembatjanja jang merasa tida poeas lantaran masih djaoe dari sam- V.
