PERMOELA'AN KATA.
lem tempo blakangan ini ampir tida ada jang perhatiken lagi. Maka sekarang dengen terbitken ini boekoe jang lebih ringkes kita hendak tjoba tjoekoepken, maski dengen satjara jang djaoe dari sampoerna, satoe kakoerangan jang soedah dirasaken sakean lama, hingga kadepanin kapan ada orang menanja „Siapatah Khong Hoe Tjoe ?" lantes bisa dibri djawaban dengen minta ia batja ini boekoe jang brangkalih nanti djadi pemboeka djalan aken ia fahamken lebih djaoe pada peladjaran Khong Kauw. Maka itoe kita anggep diterbitkennja satoe boekoe jang menoetoerken dengen ringkes hikajat dari penghidoepannja satoe Nabi ada djadi tindakan pertama dari sasoeatoe gerakan jang hendak menjiarken itoe Nabi poenja peladjaran. Sabagitoe lama kaoem Khong Kauw masih alpaken ini kamoestian, hanja berkoetet aken petjahken sadja Khong Tjoe poenja oedjar-oedjar, itoelah ada sabagi pertjoba'an aken berdiriken roemah zonder fondament, hanja riboetin maoe tjoba pasang pajonnja lebih doeloe.
Apa jang ditoetoerken dalem ini boekoe sabagian besar ada koetipan dari toelisannja bebrapa achli dalem kitab-kitab klassiek Tionghoa, seperti Professor professor Legge, Giles dan laen-laen lagi. Djoega kita ada koetip sabagian dari boekoe Hikajat Khong Hoe Tjoe dari almarhoem Lie Kim Hok jang kabarnja telah salin itoe hikajat dari boekoenja De Lanessan, saorang Fransch jang faham adat lembaga Tionghoa (kaloe tida salah ia perna pangkoe djabatan Gouver neur Generaa! dari Indo China) boekoe mana soedah disalin ka dalem bahasa Blanda dan komoedian ditoeroenken lagi oleh almarhoem Lie Kim Hok ka dalem bahasa Melajoe. Tetapi kita ada dapetken dalem itoe boekoebebrapa katerangan jang kliroe, oepama dalem pagina 14 ada dibilang: „Boe Ong poenja toeroenan jang kasembilan ada poenja satoe
III.
