hoa jang modern ada dioetamaken ilmoe pengatoean materialistisch meloeloe, maka tiada heran kaloe ada banjak anak-anak moeda Tionghoa jang piter dan terpladjar tinggi tida dapet kasempetan aken beladjar kenal pada Nabinja jang penghidoepan dan peladjarannja ada asing bagi marika. Dengen terbitken ini boekoe kita poenja maksoed adalah boeat tjoba erkenalkaen Khong Tjoe seperti satoe manoesia biasa, boekan satoe Goeroe Besar jang angen-angen dan toedjoean peladjarannja ada begitoe tinggi dan loear biasa, serta koekoeh dan keras hingga tida bisa digoenaken lagi di ini djeman. Kita harep sasoeatoe orang, teroetama pamoeda pamoeda jang blon kenal pada Khong Tjoe, nanti mendoesin bahoea dalem dirinja itoe Nabi marika dapetken satoe Goeroe dan Pemimpin, siapa poenja angen-angen dan poko toedjoean boekan sadja haroes dihormat dan diperhatiken, tapi djoega ada banjak jang masih tjoekoep berharga aken ditiroe dan didjalanken di dalem penghidoepan djeman sekarang. Djoega kita ingin membatjanja ini boekoe nanti insjaf bhoea di dalem Khong Tjoe, bangsa Tionghoa ada mempoenjai satoe Nabi dan Djoeroe Slamet jang kadodoekannja tida lebih rendah dari laen-laen Nabi atawa Pemimpin Agama jang perna mendjelma ka doenia oentoek kabaekannja manoesia.
Penoetoeran tentang penghidoepan dan peladjarannja Khong Tjoe sadari bebrapa poeloeh taon jang aloe oedah banjakditoelis, teroetama dalem orgaan-orgaan dari Khong Kauw Hwe, tetapi sabagitoe djaoe jang kita taoe blon perna ada jang tjoba aken terbitken sabagi boekoe, katjoeali „Hikajat Khong Hoe Tjoe” dari Almarhoem Lie Kim Hok. Tetapi itow boekoe telah ditjitak dan diterbitken di taon 1897, sablon berdiri Tiong Hoa Hwe Koan dan laen-laen gerakan boeat memadjoeken Khouw Kauw, dan da-
