Amai isikanlah baka hambo kapai mangadji hambo kapai badagang kini djuo hambo badjalan djadi bakamehlah amainjo diisikan bareh dibuntia dibari ameh barek satahia kabaka si Umbuik badjalan manjambah si Umbuik Mudo mamintak ampun kaamainjo lalu badjalan injo lai kamalah injo badjaian io katanah Simulanggang sampai karanah Kampuang Aua mangadji injo disanan disurau Tuanku Pandjang Djangguik.
Alah satahun injo mangadji lah duo tahun injo disanan takana dek injo badjalan takiro dek injo ka barasak pai mangadji kenan lain mamintak izin injo kagurunjo bakalo si Umbuik Mudo oi guru djo den diguru bari ma‘af hambo diguru bari ampun banjak banjak lapehlah hambo dahulu. hambo nak badjalan djauah mandjawab guru si Umbuik.
Kok itu nan hang katokan lah hibo bana hati den lah rusuah bana kiro2 den sabab karano awak hang indak den sangko murik lai indak’ disangko anak sasian lah den aso kamanakan ‘lah den sangko anak kanduang mangapo Bujang kabadjalan mangapo awak hang kabadagang mandjawab si Umbuik Mudo kok itu nan guru katokan io bana nan diguru mangko hambo nak badjalan mangko hambo nak kabadagang tak sunji hati disiko indak sunji kiro2 dek mangadji dihampiang kampuang dek badagang dakek nagari bakato guru si Umbuik.
Den patah indak tapatah
Den tabeh djue nan djadi
Den tagai indak tatagak
Den lapeh djuo nan djadi
Den lapeh djo hati sutji den lapeh djo muko nan djaniah ikomoh ameh satahia kabaka awak hang ka badjalan kabaa pulolah lai djawek salam si Umbuik Mudo disimpuahkan lutuik nan duo ditakuakan kapalo nan satu mamintak ma‘af injo kagurunjo lalu
