This page has been validated.
65
Bakato si Umbuik Mudo :
- Titian takaliak kaliak
- Titian nak rang talang Hidjau
- Badasun balado katiak
- Balidi karambia hidjau
Sakali malajang limau tarangkek daki st Galang duo kali malajang limau manjambua sampai kalangik kalangik babajang kuniang kalauik babajang merah kadunia mangalimantang diambiaknjo aia sambahjang ditariaknjo pulo lidi nantun ditjambuiknjo ampu kaki si Galang mandanguik ka bubun2 alah manggarik si Galang Banjak ditjiambuiknjo sakall lai lah duduak si Galang Banjak dihambuih bubun2nio lah tahu barundiang hanjo lai bakato si Galang Banjak o tuan si Umbuik Mudo :
- Tak den aso kabaduo
- Baduo djuo nan kironjo
- Tak den aso kabasuo
- Basuo djuo moh kironjo
Mandjawab si Umbuik Mudo :
- Bilang sakali nangko
- Bilang djo buku djari
- Hilang sakali nangko
- Apo djuo nan ditjari
Mandjawab si Galang Banjak
- Bilang duo kali tigo
- Bilang duo kali sambiian
- Hilang salamo nangko
- Tidak ditjari hambo dituan
