injo sakall mantjati limau nantun dek mudjua urang gubalo pintak si Umbuik kabalaku alun sarantang njo badjalan alah tampak limau sabatang tumbuahnjo ditapi jubuak buah tigo sapunduak lalu dipandjeknjo limau nantun ditariak sakali buahjo ba-lari2 kasi Umbuik sarato tibo diagihkannjo lah buliah pulo ameh satahia batanjo si Umbuik Mudo o tuan urang gubalo bari luruih hambo batanjo siapo bakubua diateh bukik nangko
Mandjawab urang gubalo iko kuburan puti Galang Banjak kini baitulah dek tuan tolong kalilah kuburan nangko den agiah pakaian sapatagak batambah gadang hati rang gubalo ameh buliah kainlah dapek didjapuiknjo sakali tambilang diambiak pangkua sabuah sarato tibo injo basegeh dikalinjo kuburan nantun alah sabanta injo mangali lah duo banta injo karadjo lah tampak maik si Galang Banjak ;alu diranai kaateh kubua lalu di turiah kapannjo
Lah tampak si Galang Banjak ruponjo bak urang lalok nambek busuak rangiang tidak sabuah sadjo tjatjeknjo njao sadjo lai nan tidak hangok dibadan nan lah pai bakato si Umbuik Mudo o tuan urang gubalo mintak tolong hambo katuan djapuikkan hambo aia baokan tjawan sabuah alah pulang urang gubalo dibaonjo aia saparian djo tjawan pulo sabuah dibarikan kapado Umbuik Mudo tuanlah pajah manolong komah ringgik sapuro basidakah hambo katuan pailah tuan kini tuan pai tantul taranak sarato badjalan urang gubalo
Birauari si Umbuik Mudo dipanggang kumajan puliah asok mandulang kaa-teh tangik ditjutjuakan aia katjawan di saik2njo limau di rameh2njo dalam tjawan manjaru si Umbulk Mudo bakaua bakeh nan kiramaik mamintakan kapado nan kabuliah
