pai kok pitaruah tuan bagai lai hambo karadjokan sarato hilang kakak Gatang Banjak den baokan pajuang pandji den baokan kain kapannjo
Mandanga kato nan bak kian gumirang aia matonjo dibaonjo maningadah hari bak raso di saik2 djantuang bak raso di irih2 bakato si Umbuik Mudo o upiak puli Rambun Ameh awak den katurun satjatjah io kasumua pai mandi tak tatangguang kasak badan tak tabedo palak diri
Lah turun si Umbuik Mudo badjalan malereng bukik alah sabanta injo badjalan jah duo banta antaronjo sampai kapuntjak bukik silanguang dipandang kiri djo kanan dipandang hilia djo mudiak lah tampak kuburan si Galang tasirok darah didado mamantjak paluah dikaniang mahilla katulang pungguang aia mato irang gumirang tahantak duduak bamanuang alah sabanta injo manangih lah duo banta injo bamanuang tampak urang gubalo surang
Bakato si Umbuik Mudo o tuan nan gubalo kok lai namuah den suruah lai namuah den sarajo den bari ameh satahia ambiakkan baa den lidi io lidi karambia hidjau nan banamo lidi gilo ambiakkan duo kali tudjuah
Mandjawab urang gubalo sadang gubalo den lai namuah kok konon mangambiak lidi lah buliah ameh satahia alah badjalan urang gubaio Allah manolong maso itu alah nampak karambia hidjau nan manaruah lidi gilo dipuntjaknjo karambia nantun alah diambiaknjo lidinjo banjaknjo duo kali tudjuah baguluik injo turun babaliak kapado si Umbuik
Sarato tibo injo disanan diagiahkannjo lidi nantun io kapado si Umbuik Mudo o tuan djoden dituan ko moh lidi tuan katonjo urang gubalo sabuah lai kahandak den pai tjarikan den limau limau nan tigo sapunduik tumbuahnjo ditapi lubuak pidjakkan bajang2njo den bari ameh satahia lah gadang hati urang gubalo lah duo tahia kabuliah ameh badjalan
