baitu pitaruah tuan Umbuik komah pajuang amai hai amai tuduangkan kakakak den komah kain sakaju kakapan dek kakak den nan sakarang kini nangko maiklah lamo tangah rumah maiklah lamo nan tabudjua iolah kini dikubuakan kapuntjak bukik silanguang djan kito tangisi djuo
Mandjawab amai si Galang kok itu nan kau katokan kito turuik malah lai kapuntjak bukik si langung ka ba-a pulo lah lai alah badjalan urang nan banjak mausuang maik si Galang kapuntjak bukik silanguang lah sabanta urang badjalan lah duo banta antaronjo jah tibo urang kasamuanjo dipuntjak bukik si lunguang lah ditanamkan maik nantun dikanakkan pantjang kuburan tatagak medjan nan duo dilakekkan tirai langik2
Kaba baraliah tantang itu sungguah baraliah sanan djuo baraliah bakeh si Umbuik dek lamo bakalamoan alah tjukuik tigo hari maik si Galang dalam kubua bamimpi si Umbuik Mudo apolah kato mimpinjo bamimpi kahilangan buruang baranang kahilangan deta tasintaksi Umbuik tidua lalu tadjago sakali manangih maisak2
Alah sabanta injo manangih takana bana hanjo lai pai kalua mambasuah muko diambiak aia sambahjang babaliak kaateh surau sarato injo sudah sambahjang batanjo kagurunjo sakali o guru djo den diguru bari maaf hamko diguru bari ampun hambo banjak2 apo takwia mimpi hambo hambo bamimpi samalamko bakato guru si Umbuik o bujuang si Umbuik Mudo apo bana djanjo mimpi ang tjubo katokanlah kahambo nak den liek takwianjo
Mandjawab si Umbuik Mudo bamimpi kahilangan buruang bamimpi kahilangan deta apo takwianjo guru tjubo katokanlah dek guru nak sanang hati hambo
